Es schöns Hotel mit sehr guetem Ässe

De Komba hät mich i zwei Shops braacht, woni chli öppis Chleider han chönne chaufe. Nachher hät er mich bim Arusha Airport abglade, woni miteme chliine Propellerflugi nach Sansibar bin. Mit Verspätig. Aber gsund aachoo ☺️ Nachdem ich mitem Taxi (dä Fahrer chan höchschtens 15ni sii und isch mit 100 dur die Strasse grast) bini im Hotel aachoo. De erschti Iidruck isch chli schockierend gsii, aber mir sind vo hinne annegfahre. Im Hotel selber isches sehr schön. Nöd überrisse aber top. Direkt am Meer mit guetem Restaurant.
Nachem Znacht (woni wäge verlorenem Koffer im Piji-Oberteil und barfuess zue mir gnoo han (megalecker) gangi jetzt früeh is Bett... Morn mueni no es Bikini go poschte, bin nöd sicher ob Nacktbade erlaubt isch 🤣Read more