London UK | FindPenguins

Newest first

Trip start
April 20, 2024
London UK
Ready?
April 20, 2024 in Switzerland ⋅ ⛅ 2 °C
Hüt morge gahts etz los. En Trip uf London 🤩
Mitem Oliver, eim vo miine Lieblingssöhn gahts für es paar Tag i die pulsierendi Stadt. Miir fiired oisi Geburtstäg daa und lönds ois vier Täg in London guetgah.
Schad, isch de David (de anderi Lieblingssohn) nöd debii, aber er hät grad "the time of his life" in Tokyo 💖Read more
See translation
TravelerHey, gniessets ds London ganz fest! 😘
4/20/24ReplyTranslate
TravelerVill Spass.
4/20/24ReplyTranslate
Enjoy 🎂🥂🍻🍾🎁 [Anita]
4/21/24Reply
2 more comments
4 likes
London UK
Was für e Aakunft
April 20, 2024 in England ⋅ ⛅ 7 °C
Mir händ grad direkt is Aibnb därfe "iizeh". Das isch es bitzli usserhalb im hippe Quartier um Nine Elms. Ganz villi noii Hüüser und alti Fabrike wo umbaut worde sind.
Nachem Deponiere vom Gepäck simmer uf Empfehlig vo oisem Host Dem is Shoppingcenter Buttersea Power Station gange. Bis vor churzem no en wichtige Stromproduzent füe London.
So schön iibettet im riesige Industriegebäude grad näbed de Themse...
S'Mittagässe im Nando's isch en grossartige Iistieg in kulinarische Teil vo oisem Churztripp gsii 😜Read more
See translation
4 likes
London UK
Touristischi Sache und grossartigi Show
April 20, 2024 in England ⋅ ☁️ 10 °C
Nachem feine Ässe simmer mitem Underground zum Picadilly Circle gange. Mitem London Marathon wo das Wucheendi isch, händ gfühli 3000000000 anderi Mänsche di gliich Idee ghaa 😜
Grad es Lime Velo gmieted, damit mir de Buckingham Palast und en Teil vom Hyde Park händ chönne in Rekordzyt bewältige. 15 Pfund und öppe zwänzg Minute später hämmer s'Velo wieder parkiert und sind z'Fuess wiiter.
M&M's World (mit aastah!!!), Hard Rock Cafe (mit Souvenierglas) China Town, feini Dounuts (ohni Loch!?!), Minigolf (Swingers, de Oliver hät gunne) und denn go Ramen Znacht ässe. Jetzt simmer ready für CHOIR OF MEN!Read more
See translation
3 likes
London UK
Choir of Man
April 20, 2024 in England ⋅ ☁️ 10 °C
Die Show hät es eigets Kapitel verdient! Wänner nach London gönd und gueti Musik, Pubs und britische Humor liebed: das isch de Place to go!!!
S'Publikum wird mitiibezoge, es isch luschtig aber au tüüfgeündig und für miich grad eifach nume en perfekte Abig gsii!Read more
See translation
2 likes
London UK
Andersch als plaaned 😜
April 21, 2024 in England ⋅ ☁️ 10 °C
Nachem Zmörgele hämmer welle es James Bond Escape Adventure dur London mache. Aber mir bruuched defüür e englischi Telefonnummere 🙈
Drum hämmer uf morn verschobe. Wägem schöne (aber windige) Wätter hämmer no chli welle di obligte Attraktione bsueche (Tower, Tower Bridge, The Monument, The Shard). Aber de London Marathon hät ois en spannende Strich dur d'Rechnig gmacht. Mittendrin statt nur dabei (also als Zueschauer, nöd als Teilnehmer 😜). Wahnsinnig vill Lüüt (mindeschtens 50000000!) sind am ränne gsii und no vill meh am Zueluege. Mir händ ois mittriibe lah und d'Atmosphäre gnosse. Will d'Undergrounds völlig überlaschted gsii sind, hämmer es E-Trotti gschnappt und sind uf de fascht Autofreie Strasse umegfräsed. Nacheme churze Imbiss ime Griechische Reschti hämmer nomal Kickis gnoo und sind is Craven Cottage gflitzt, wo de Oliver de Match zwüsched Fulham und Liverpool go luege gaht. Ich han mir Zyt am Themseufer und imene Pub vertriebe...
Übrigens: Liverpool hät mit 1:3 gunnä 💪⚽Read more
See translation
3 likes
London UK
007 Mission
April 22, 2024 in England ⋅ ☁️ 9 °C
Will mir zerscht no e englischi Telefonnummere händ müesse organisiere, muess d'Rettig vom James Bond hüt absolviert wärde.
E megacools Abentüür wo ois vo eim Hiiwiis zum andere füehrt und ois debii schöni versteckti Ort vo London zeigt.
Nach vier Stund (und öpoe drüü Pause i Pubs) hämmer d'Mission erfüllt.
Jetzt gömmer denn so richtig schön go ässe zum am Oliver siin Geburtstag fiire. Nachher gits e Überraschig für miich. Bin scho mega gspanne 🤗Read more
See translation
TravelerHappy Birthday Oliver 🥳
4/22/24Reply
3 likes
London UK
Mamma Mia, was für en Abig!
April 22, 2024 in England ⋅ ☁️ 9 °C
Nachdem mir oisi 007 Mission erfolgriich beendet händ, simmer is Sushisamba. Nume scho de Wäg deethii hät sich glohnt. Obwohl mir no chli is Schlüüdere choo sind will de Oliver kei Casual Hose ghaa hät. Aber imene Turbotempo ischer schnäll go Hose poschte, damit mir denn pünktlich im 39. Stock aachoo sind.
De feini Znacht hät sich glohnt, obwohl d'Drinks no fascht tüürer gsii sind.
D'Kellner händ denn no fälschlicherwiiis am Näbetisch Happy Birthday gsunge, händ das denn aber elegant kaschiert und denn au no am Oliver en Birthdaycake braacht 😜
Und denn... Mamma Mia....
Chli knapp draa hämmer natürlich s'schnällschte Verkehrsmittel gnoo, wo zur Verfüegig gstande isch: es E-Bike 🤗
In Rekordzyt simmer im Theaterviertel aachoo, wo de Oliver für miich e Überraschig bereit ghaa hät: s'Musical Mamma Mia 🤩
Leider hani nöd därfe mitsinge (das händs no äxtra gseit), aber trotzdem hani jedes Lied gspüürt ❤️Read more
See translation
3 likes
London UK
Letschte Tag in London
April 23, 2024 in England ⋅ ☁️ 8 °C
Hüt hämmer chli uusgschlaafe. S'Wätter isch bis etz nett gsii mit ois. Aber hüt isches chli rägnerisch gsii. Oises Gepäck hämmer chönne bimene Kiosk deponiere (hämmer über Nannybag buecht). De Oliver hät en Puzzleroom buecht. Nachem Zmorgä simmer go es wiiters Rätsel löse und händ ei Stund lang richtig vill Spass ghaa 😜
Denn simmer no de Bouroughmarket bide Londonbridge go durstöbere. Soooo villi feini Sache! Zum Glück reised mir mit Handgepäck, so sind all die feine Sache gar nöd in Frag choo zum poschte!
Nacheme guete Lunch im spannende Quartier um d'London Bridge simmer go oisi Täsche abhole und völlig guet im Zytplan simmer los richtig Gatwick.
Bi de Aakunft hämmer realisiert, dass oise Flug vom Heathrow uus flüüged 🙈
Oise Uberfahrer hät alles gäh und ois pünktlich am richtige Gate abglade 🙃
En schöne aber aasträngende Kurztripp isch das gsii.
Grad für mich ganz wertvoll isches gsii, dää hütigi Tag mitem Oliver z'verbringe, will villes grad nöd ganz eifach isch. Aber ich gspüre sooo vill gueti Energie und weiss, dass ich bald wieder ine Zuekunft luege chan, woni mi druff froie chan.
Dankä für oies Interesse! See you irgendwenn. Irgendwo.Read more
See translation
4 likes

Trip end
April 23, 2024