London UK

Nachem feine Ässe simmer mitem Underground zum Picadilly Circle gange. Mitem London Marathon wo das Wucheendi isch, händ gfühli 3000000000 anderi Mänsche di gliich Idee ghaa 😜
Grad es Lime Velo gmieted, damit mir de Buckingham Palast und en Teil vom Hyde Park händ chönne in Rekordzyt bewältige. 15 Pfund und öppe zwänzg Minute später hämmer s'Velo wieder parkiert und sind z'Fuess wiiter.
M&M's World (mit aastah!!!), Hard Rock Cafe (mit Souvenierglas) China Town, feini Dounuts (ohni Loch!?!), Minigolf (Swingers, de Oliver hät gunne) und denn go Ramen Znacht ässe. Jetzt simmer ready für CHOIR OF MEN!Leer más

Nachem Zmörgele hämmer welle es James Bond Escape Adventure dur London mache. Aber mir bruuched defüür e englischi Telefonnummere 🙈
Drum hämmer uf morn verschobe. Wägem schöne (aber windige) Wätter hämmer no chli welle di obligte Attraktione bsueche (Tower, Tower Bridge, The Monument, The Shard). Aber de London Marathon hät ois en spannende Strich dur d'Rechnig gmacht. Mittendrin statt nur dabei (also als Zueschauer, nöd als Teilnehmer 😜). Wahnsinnig vill Lüüt (mindeschtens 50000000!) sind am ränne gsii und no vill meh am Zueluege. Mir händ ois mittriibe lah und d'Atmosphäre gnosse. Will d'Undergrounds völlig überlaschted gsii sind, hämmer es E-Trotti gschnappt und sind uf de fascht Autofreie Strasse umegfräsed. Nacheme churze Imbiss ime Griechische Reschti hämmer nomal Kickis gnoo und sind is Craven Cottage gflitzt, wo de Oliver de Match zwüsched Fulham und Liverpool go luege gaht. Ich han mir Zyt am Themseufer und imene Pub vertriebe...
Übrigens: Liverpool hät mit 1:3 gunnä 💪⚽Leer más