Bondi Beach: not the best thing

Mir si auso fasch nid usem Näscht cho hütt Morge, hei üs no usem Bett Sprachnachrichte gschickt, so dass mr dr Tag scho mit viu Glächter agfange hei. Leider hetts nachem z'Mörgele gheisse Abschied näh. Es hett so gfägt, die zwe Täg mit dr Fabienne u em Marc ds verbringe, miechi gad um so! När hani mi gad e chle ume as elei sii müesse gwöhne. I bi zur Coogee Beach glüffe u vo dett ar Küste entlang bis zum berüehmte Bondi Beach. Auso dä Bondi Beach isch nüt spektakulärs. Sisch haut eifach e Sandstrand. Mit viu Lüt u Wäue. Ha auso weder es Foto gmacht no schüsch öppis. Mou, d'Graffitis bewunderet ar Wang vom Wäg hani u bi de ume retour id Stadt. Am Abe bini id Bar vom Matt. Ha Glück gha, sisch Livemusig glüffe u i ha mit zwene Mädels, womi unger iri Fittiche gno hei, flissig ds Tanzbei gschwunge. Czytaj więcej