Warner Bros & L.A. Sparks

Hüt hend mer de Tag im Warner Bros Studio inre Tour verbracht.
Mal hinder d Kulisse vo Hollywood gseh esch wüki cool gsi!
D Universalstudios sind mit 140chf Itritt chli z heftig gsi, drum hend mer die halb so tüür Warner Bros gwählt.
Ech han ned ganz so viel kennt wie die andere 2, aber Fun hets gliich gmacht. Scho krass wie wenig Platz gwüssi Sache brucht hend wie es Wohnzimmer vo The Big bang Theory oder Friends.
Am Obig ischs an Baskettball Match vode L.A. Sparks vs Washington Mystics gange.
Dases en Fraue Match isch gsi, hend mer erscht laaang nachem Bueche checkt.
Aber jetzt hend mer mal Fraue im Sport unterstützt, sie hend würkli sich en geile Match glieferet und verdiened meh achtig! Go Girls!
Aber füre upcoming L.A Dodgers Match freui mi scho.. :) Gschenk Idee für min nächste B-day liebi Fründe: Las Vegas Raiders (American Football) Match Tickets😁

PS: De eini Tower esch de Eclipse Tower vo GTA5 falls epper au chli GTA5 gamet het :)Read more