Toronto Island VIA Rail to Cabridge

Hüt hani mini Siebe Sache packt und s isch via Toronto Pearson mitem Union Pearson Express an Hauptbahnhof gange.
Nach dem ich mis Gepäck abgeh han am Bahnhof wers eigentlech ufe CN Tower gange.. aber 50min bi 28° grad ade Sunne stah oder s Aquataxi nach Toronto Island neh? Ich wird sowieso wieder cho drum Aquataxi. Nachere richtig schöne überfahrt undere coole bekanntschaft mitme Typ wo in Toronto läbt, hanis det chli chillt und de Canadian Summer gnosse.
Am 16:15 hetts denn mit VIA Rail vom Unionstation richtig London Ontario selle gah.. leider hets fast 1h verzögerig geh drum het d Emily und de Eric 40min müsse warte uf mich.. aber die händ de summerlech Abig gnosse ufere schöne Wiese bisi acho bin.
Jetzt hani müsse mis Englisch uspacke ebi ha welle oder ned.. s esch doch viel besser gange als erwartet.. So herzlech bini wilkomme gheisse worde mitme richtig feine Znacht imne echt schöne Restaurant in Cambridge.
Mir gfallts sehr da.. soviel gspröchsstoff händ mer gha und scho esch Mitternacht gsi. Ps: Bluemechohl anre Buffalosauce ond ergendwie Cremefraiche als Apetizer.. jesses gott esch das fein! 😍🇨🇦Okumaya devam et