MADRÌD-ESPAÑA🇪🇸

Newest first

Trip start
April 3, 2025
MADRÌD-ESPAÑA🇪🇸Traveler
Adìos Suiza
April 3, 2025 in Switzerland ⋅ ☀️ 13 °C
Hola, Buenos Dias!
Ufem Weg nach Madrìd, id Sunne Stube vo Europa - España!
Aber Moment Moment.. es Sturmtief fegt über Portugal und Spanie, weshalb es regnet und chälter isch als ide Schwiiz.
Wie viel Pech chan mer eigentlech ha? Aber naja, vorem Start mit de HF wetti eifach nomol chli Seele entspannig..
Mir nämed wies chont.
Ab i Räge mitm Bee.Read more
See translation
Travelerpositiv gseh - rege macht schön.😝
4/3/25ReplyTranslate
1 like
MADRÌD-ESPAÑA🇪🇸Traveler
Bienvenido a Madrìd
April 3, 2025 in Spain ⋅ 🌧 10 °C
Nach 2.5h Flug sind mer am Madrid Adolfo Suarez Barajas glandet und guess what, de Wetterbricht het ned gloge.. 12° und Rege. Nach dem mir eus im Mc Donalds grad verpflegt hend, ischs via Metro richtig Innestadt gange wo euses Hotel eppe 300m vode Gran Via entfernt gsi isch. S hät eigentlech nur eimal gregnet, defür de ganz Tag.
Mir sind durd Gran Via zum Plaza Callo nach Puerta del Sol. Das esch eigentlech so de innersti Kern vode Stadt, wo au ganz ide nöchi en bekannte Markt namens -"Mercado San Miguel" isch gsi.. det hets mal es Bierli geh und Spnische Fingerfood.
Denah eschs wiiter zum Palacio Real Madrid gange und dur de Jardin Royal zrugg zum Hotel.. det hets na e Rundi Monopoly geh wos na biz alk het geh- naja was in Madrid passiert isch, bliebt au in Madrid.Read more
See translation
1 like
MADRÌD-ESPAÑA🇪🇸Traveler
Ciudad de Madrìd
April 4, 2025 in Spain ⋅ ☁️ 15 °C
Tag 2 in Madrìd.
Planlos isch de planlos.. mir sind nonie so voll organisiert gsi und hend alles dureplant.. mir hend grad mal halbwegs gwüsst was mer irgendwie irgendwenn chönted aluege und sind vom Wetter überrascht worde.. El Sol isch au na cho Buenos Dìas sege bevor la Iluvia cho isch am Namittag. Via Plaza España ischs in Parque de Montañas gange wo mer de Tempel von Debod hend besichtiget. Ehrlechjetzt.. das isch irgendwie eifach es gschenk vo Ägypte a Spanie gsi, wer in Ägypte isch gsi - muss da ned gseh.
Egal, am Namittag bevors gottlos esch cho Regne sind mer na bide Riyad Air Metropolitana Arena vo Atletìco Madrìd gsi. Also s esch easy gsi aber de Barca vibe isch eifach geiler. Visça Barcelona! Wiiter id Las Ventas Stierkampf Arena wo mer en Tour hend gmacht ischs zum verdiente Zmittag gange .. S Esse het zwünsche übrig glah..
Da es danach gschiffet het, sind mer is Hotel gange und hend det Monopoly gamed, biz pfuuset bevors in Usgang isch gange ide nöchi vom Puerta del Sol.. Super geils Resti, eusi gspröch sind wiedermal ned nennenswert gsi - was z Madrìd glaberet wird, derf au det bliebe.
Imne Irishpub go trinke wo ich bimne Trinkspiel irgend e Spanische Chico igspannt ha, het de Abig au ufghört. Schön wars.. ich glaub de Dude het eus symphatisch gfunde 😁Read more
See translation
1 like
MADRÌD-ESPAÑA🇪🇸Traveler
Tercer y último día en Madrid
April 5, 2025 in Spain ⋅ ☁️ 12 °C
Nachtrag Tag 3 in Madrìd.
Am letzte Tag Madrìd isch eifach irgendwie eifach eppis gsii..
Nachdem mir am Vortag bis am Morge am 3 im Usgang sind gsi, hani denn eifach welle bis am 10i penne.. aber de Bree het mi natürli ned solang la schlaafe.😆
Es esch chaos pur gsi, mir hend welle im Parque Retiro zum Kristall Palast gah. ufem weg det hi, sind mer vo par Fraue füre Junggselle Abschied zum Mitsuufe animiert worde.😅
Bier zum Z'morge.. janu.
De Kristallpalast isch underconstruction gsi.. well that was fucked up.
Wiiter zum Cafè Ingles am Gran Via het de Bre eus zum falsche Kafi glotzt.. au sones Cafè Inglès nur am falsche Ort - hani au ned checkt. Wiiter zum Estadion Santiago Bernabeu wo Real Madrìd gege FC Valencìa gspielt het, isch es riese Tohuwabouh gsi.. mir hend de na eppe 30min ufe Real Bus gwartet zum das Spektakel miterlebe.. Bro nach 8 sekunde isch de ide Tiefgarage gsi.😂 S nechste Resti hend mer vergesse, via Mc Donalds zum Hotel und an Adolfo Suarez Madrìd Barajas Airport zrugg nach Zürich wo mini Bestiee Nat üs gholt het mitme Redbull 😍Read more
See translation
1 like

Trip end
April 5, 2025

MADRÌD-ESPAÑA🇪🇸

Adìos Suiza

Bienvenido a Madrìd

Ciudad de Madrìd

Tercer y último día en Madrid