Hunter Valley❌

Am Mäntig isch dä eigentlichi Plan gsi is Hunter Valley z gah…aber jup ihr lesed richtig eigentlich. Nach so vielne Täg ohni Strapatze isch ja klar gsi muss mal wieder eini cho, suscht wird eu no langweilig bim lese😶😂
Alles het eich guet ahgfange (wemmer di eiskalt Nacht weglaht) Auto parat gmacht, ahgleit und s Ziel is Navi ihtreit. Di erst eigentlich Abzweigig verpasst, doch keis Problem het s Navi denkt und eifach ä neui Route usgsuecht. Nach wiitere 5min simmer denn quasi uf me Tösswägli glandet (
dünni Steistrass). Mir sind det no recht optimistisch gsi will mer gwüsst hend das früehner oder spöter d Strasse gäg ue nümme Teeret sind. Mir also eifach gfahre, gfahre, gfahre. Nach 1h immerno keis anders Auto bzw. überhaupt Mensche gseh, defür gaaanz viel Küeh und Rösser😅 Nach numal 30min denn per Nachricht das becho:

You may not be able to make voice/emergency calls as your device is unable to make calls over 4G in this area.

Okey ab denn hends au mir chli komisch gfunde, doch jetzt simmer scho 1,5h underwegs und s Ziel isch nur no 50min weg. Ziehmer jetzt durre hemmer denkt. 😁 Mit 15 km/h simmer denn um es Kürvli gfahre, was mer denn gseh hend laht eusi Kinnlade abegheie…ä Schlammstrass mit wiiter hine meh chline Flüssli wommer durchquere müsstet. Eus wird schnell klar d Jucy Lucy (Name vo eusem Auto) cha das nöd 🙂 Somit erneut 1.5h zrugg. Mit meh drittel Tank weniger, meh leere Buch und Nackeschmerze vom rüttle uf dere „Strass“ simmer wieder am gliche Ort wie vorher. S Hunter Valley hemmer denn nümm so spannend gfunde und sind wiiter an Port Macquarie. Erneuti 2,5h sind vor eus glägä.
Det ahcho denn no dä Lüchtturm go ahluege und ab go pfusse☺️ Mal wieder en Typische Ladydrivers Tag gsi🤣Baca selengkapnya