Port Macquarie 1/2

Die erst Nacht im Port Macquarie hemmer dörfe bim ne ältere Ehepaar schlafe wo paar Parkplätz uf dä Wiese ahbütet. Er het eus nach dä Ahkunft soo viel über Australie verzellt und eus ganz gueti Tipps gäh. Nachher hets no ä rundi dur dä Garte gäh will er eus Opossum het welle zeige, leider kei gha. Defür hemmer Eule und Hase gseh. S Highlight isch denn am Schluss cho: Mir hend en gfrögt ob er en guete Ort weiss wommer Koala chan gseh. Er dreiht sich um, lauft zum Baum wo nebet eusem Auto staht und lüchtet mit dä Taschelampe ue…eifach en Koala det obe😍 Mir hend unglaublich freud gha, en Koala als Nachbar quasi😂 Will mir zwei chlini schiss Hase vo de Tierwelt in Australie sind hemmer ihn au no zu dä Krokodil und Haie usgfrögt. Vo beidem die Wuche scho en Ahgriff gäh. Nöd das wo mer hend welle ghöre aber trotzdem spannend ihm zuezlose wie das alles da so ghand habt wird😇 Nach de Nacht im Auto het eus sini Frau am nächste Morge sogar no en heisse Tee bracht und denn hemmer au mit ihre no en schwätz ghebeh. Will mer die zwei so is Herz gschlosse hend simmer grad zwei Nächt bliebe!😁Читать далее