Noosa

Grad mal als ersts falls er mal uf Noosa gönd en chline Tipp: Nähmed es Uber für is Dorf!
Mir drüü entspannt ufgstande, duschet und losgfahre. Bis dahi no alli sehr entspannt gsi doch scho schnell hemmer gseh KRASS es het uhh mega viel Parkplätz, doch irgendwie sind all scho volle. Naja euses Ziel isch dä Nationalpark gsi also simmer au bis det härä gfahre. Es het zwei rundine dur dä Parkplatz gäh doch kei Chance, falls mal eine usegfahre isch sind no öppe 3 ander Autos vor eim gsi. Mer chans sich chli wie en Ameiseuufe vorstelle😂 Nach erfolglosem sueche ischs denn wieder fürä is Dorf gange dete hemmer jede Park mit Parkplätz wommer gseh hend abgfahre doch au det simmer immer genau es paar Sekunde z spat gsi und scho isch eine mit vollgaracho verbii geflitzt und ine gfräset! Mer het chönä meine es gaht um Läbä und Tod🙂 Langsam het sich bi eus aber dä hunger breit gemacht und wie die meiste wüssed isch denn eusi Luune nöd immer di best, es het also schnell en Parkplatz härä müesse🫣😂 Nach sage und schreibe 50‼️ Minute hemmer denn en Parkplatz becho, sogar eine im Nationalpark hine🥳 Kochet hemmer Tomate-Mozzarella Bruschetta, panierti Poulets und Früehligsrolle. Natürlich wieder alles uf eusne gliebte BBQ Statione🫶🏻
Mit grosser verspötig ischs denn am 13.48 doch no los gange dä Nationalpark go erkunde. Mir hend en Kookaburra und sogar Delfine gseh! 🐬😍 Zum Abschluss hets denn au no es Ben & Jerrys Glace gäh😆
Am Abig ischs Menu selbergmachti Spätzli mit Pilzrahmsauce und Salat gsi☺️Read more