Rainbow Beach🌈

Am Zistig isch dä ersti Tag in Australie wommer denkt hend: So hüt mach mer mal en Strandtag. S Wetter hett euse Plan aber nonig gwüsst gha. Aber mer fanget vo vorne ah. Am 6.15 isch abfahrt gsi id nöchi vom Rainbow Beach da mir online gläsä hend das es en Ort git wo jede Morge paar Delfin as Meeresufer schwümmed zum Fisch ässä. Die Chance hemmer natürlich nöd dörfe entgah lah und hend für das au gern euse Schönheisschlaf liede lah😂
Und tatsächlich öppe siebe Delfine sind cho und mir hend ihnä chönä Fisch füettere😍🐬
Nachher simmer an Rainbow Beach gfahre det ahcho hemmer üses Züg packt und ab an Strand gloffe. Une ahcho fangts eifach ah regne😶 Supi also doch wieder zrugg in Camper. Lut Wetterbricht sötts keis einzigs Wülkli ha aber janu also zerst mal öppis ässä koche. Wärend desse hets erst richtig ahfange abeleere. Janu denn mach mer halt no en chline nap😂 30 Minute spöter strahlend blaue Himmel und euse planti Beach-Tag het doch no chönä statt finde!😁🥳Read more