Airlie Beach

Nachdem mer am 4i go pfusse sind isch leider am 9ni scho wieder Tag wach und check out ahgstande. Will jetzt scho Samstig isch und mir Party bruchet hemmer beschlosse mir fahred bis uf Airlie Beach was 7h Autofahre bedüted. 🙂 Schluss am End sinds denn allem i allem öppe 7,5 gsi aber uf die 30min chunts denn au nümm druf ah😂
Am 10ni ischs also los gange in Nationalpark wo uf em Weg liet. D Ufgabe sind wie folgt verteilt gsi:
Michelle: Zueständig das d Gmüeter guet bliebet-> Musig und Snack Master
Noemi: Zueständig das mer guet vo A nach B chömed-> Fahrer
Nach dä erste 4 Stund simmer denn sicher und no topfit im Nationalpark ahcho🤘🏽
Eigentlich sötts det gaanz viel Schnabeltier und Schlange ha, mir hend leider nur viel Schildkrote und für öppe drü Sekunde es Schnabeltier gseh. Für zum d Schlange sueche simmer sogar in Wald ine go gugge. Naja nöd so überleit gsi bim zrugg Weg hemmer eus denn fast id Hose gschisse😶😂
So nach dem kurze break isch no di letscht Strecki ahgseit gsi zum fahre. Mir hend denn sogar no eusi lang ersehnti Schlage gseh😜 Leider aber au überfahre😶
Am Abig ahcho ischs denn ab is Partystreet gange und mir hend diversi Clubs und Bars erkundet! Fazit bis jetzt: sehr geil😍
Morn (am Sunntig) gahts wiiter 😆Meer informatie