Airlie Beach Tag 2

Nach dem strenge Tag gester hemmer usgibig pfusset. Sind zwar spat is Bett defür hemmer aber au bis am 13.00 gschlafe😅
Nach em verwache hets also grad mal Zmittag geh und denn erneut ä shopping rundi. Zur abwächslig hend mal d Weiber uf d Manne müsse warte bis fertig sind mit shoppe und nöd nur 5, 10 minute nei ganzi 25min hemmer gwartet bis eusi drüü Kollege alles gha hend wos wend und zahlt hend. Aber isch fair das es jetzt au mal anderst ume isch😂😂
Nachher simmer no kurz an Beach go luege. Da mer da nöd is Meer chan hets grad näbet em Meer Pools wommer drin chan schwümme. Gar nöd mal so schlächt denn muss mer würkli kei Angst ha vor irgendwelche Fiecher😶
Am Abig hemmer eus denn gfreut mal wieder heiss chönä z Dusche. Dä Hahne ufdreiht und d Freud isch grad es bitz verschwunde. Dä Wasser „strahl“ wür nöd mal lange zums Zahnbürsteli befüechte. Naja da es würkli höchti ihsebahn gsi isch zum Haare wäsche hämmer denkt mach mers trotzdem, denn dä zweiti Schock. Es isch ISKALT!🥶 Somit hets statt ä entspannti warmi Duschi halt ä speed duschi mit meh minimalistische Wasserstrahl gäh. Egal am Schluss simmer trotzdem suuber gsi😁
Am Abig simmer s erste mal sit mer in Australie sind i es Resti go ässä. Wie chönts au anderst si i es Italienischs Resti🤭 Uf em Weg in Biergarte hemmer denn no öpper uf dä Strass troffe->🐍
Und denn ischs wieder losgange mit dä Trinkspieli😇Les mer