Townville

Am Zistig ischs nach Townsville gange. Nach 3h fahrt, meh Red Bull und viele Snacks simmer denn guet ahcho😇
Mir hend d Badetäsche packt und sind los gfahre. Dä plan für hüt ischs an the Strand z gah und uf en Hügel uezfahre wommer ä schöni Ussicht het über d Stadt. Wommer den losgfahre sind hemmer denkt wär eich no schön zum uelaufe und deshalb hemmer s Auto uneparkiert. Blööd isch eus denn ufgfalle das d Schueh no bi dä Underkunft stönd…😮 Sind ihr schomal 1420 Stägä mit dä Adilette ue? Nöd?! Tja mir jetzt scho😂 Und es isch sogar richtig guet gange, alli sind unversehrt obe und no viel wichtiger au wieder une ahcho🥳
Nachher simmer no an Strand aber dä het leider gar nöd so geil usgseh deshalb simmer eifach go calamari und pommes snacke und denn no as Memorial. Wommer denn gseh hend das d Sunne langsam undergaht simmer is Auto gumpt und no dä Hügel uegfahre das mer d Ussicht jetzt no bi Sunneundergang chönd gnüsse😇🌅
Ah ja und no zu dä Qualle wommer bim schnorchlä troffe hend…mir hend eich denkt nach bitz zwicke segi das weg doch wo d Noemi am nächste Tag verwacht isch, isch sie übersäht gsi mit usschlag. Nach kurzem Google hemmer usegfunde das es ä allergischi Reaktion uf d Quallestich sind. Im Video gsehnder wie dä Arm im guete Zuestand usgseht het…jetzt ischs no schlimmer plus isch dä restlich Körper au no gmusteret😅 D Michelle zeigt zum glück kei Reaktion und chan dä Noemi helfend bistah bim ihcreme vo all dene Stich😂Read more