Whitsundays

Am Mäntig isch es grosses Highlight für eus ahgstande: Mir sind uf d Whitsundays!😍
Hend ums volle Feeling z erläbä ä Tour buecht. Am Morge am 8.15 simmer spalier gstande und hend usschau ghalte nach eusem Shuttle. Nöd lang ischs gange und s Abentüür het chönä ahfange. Zerst simmer an Hafe gfahre und hend eus müsse ahmelde. Scho bim ahstah hemmer chönä beobachte das alli en Neopren ahzug ahleget🤔 Mir hend eus sehr gwunderet immerhin ischs um di 25 grad gsi aber guet nachdem alles gmacht gsi isch isch denn öpper mal en guide go frögä obs denn würkli so kalt isch das mer dä bruchet. Nachdem sie ghört hend das mir us dä Schwiiz sind het sie gseit mir bruchet die nööd. Aber für sie Australier seg s Wasser halt arschkalt im Winter😅 Die Wort hend denn no es böses oder besser gseit es kalts Endi gha…
Uf em Plan sind zwei Schnorchel-Spots, ei chlini Wanderig und dä Whiteheaven Beach gstande. Am erste Schnorchelspot hemmer hauptsächlich Koralleriff chönä ahgugge und bim zweite den gaaanz viel Fisch😇 Nach dä erste 40min im Wasser sind mer denn doch bitz ihgfrore gsi…het mer mal lieber dä Neopren ahgleit😶 Es isch aber alles no völlig in Ordnig gsi bis s Boot abgfahre isch. Pfludi nass wie Hünd nach em Bade simmer dete ghockt und fast wegblase wordä. Da s Boot es Dach het hets au kein Sunnestrahl bis zu eus gschafft. Wommer denn bim zweite Spot ahcho sind simmer wie feuf iszapfe det ghockt. ABER hend d füdli Bagge zämmä kniffe und sind ine gumpet. Jup das wär dä moment gsi wommer ah d Wort vom Morge zrugg denkt hend, vowägä mir Schwiizer bruchet keine mir sind genau di gliche Gfrörli wie d Aussies😂
Ah ja und no fast vergässä z erwähne scho vo ahfang ah hemmer so es chlises zwicke gspührt im Wasser hend aber denkt es seg wills eifach so kalt isch. Doch wie mer en Tag spöter hend müsse bemerke sinds Qualle gsi…meh dadezue morn🙂
Zum Zmorge hets übrigens no en gluten freie Brownie gäh, ah so en Zmorge chönt mer eus gwöhne😁
Zum Zmittag hets Sandwich mit drüü Salät gäh. Für Zmittag uf em Schiff echt nöd schlächt gsi! 😮
Nach em erklimbe vo dä Felse hemmer denn ä wunderschön Ussicht uf dä Whiteheaven Beach gha😍 Ne spass nach me 10min walk vom Boot us simmer bim Ussichtspunkt gsi ABER ih dä Tourbeschriebig ischs tatsächlich als wanderig ahgäh gsi😂
Bim letschte Spot em Whiteheaven Beach hemmer denn no unzähligi Stachelroche und sogar no zwei Lemonsharks gseh😌
Für d heifahrt hemmer no en Früchtespies becho und denn isch dä schöni Tag leider au scho z End gange. Und hüt hemmer en sogar mitere warme Duschi chönä abschlüsse…😂Les mer