Hong Kong Tag 1 🥳

Hüt hemmer endlich mal wieder usgschlafe. Da euses Zimmer nöd mal es Fenster hett simmer am 10ni verwacht hend aber denkt es seg erst 4i und mir chönd no gnüsslich wiiter pfusse. Naja ein Satz mit X das war wohl nix.😅 Aber trotzdem mal wieder chli d Schlafreserve chönä uffülle. 🔋
Hüt hemmer plant mit dä Fähre uf Hong Kong Island übere z fahre und dete denn alles chli z erkunde. Aber bevor dä Tag chan starte hemmer no öppis z ässä brucht. Mer hend es Resti irgendwo uf em Dach vom ne Hochhuus usegsuecht. Het mega schön usgseh und s ässä isch au top gsi.☺️
Nachher hemmer es Ticket kauft und sind mit dä Fähre übere. ⛴️
Eusi Route isch wie folgt gsi:
-Di längst Rolltreppe vo dä 🌏 ahgugge (sind eus ehrlichgseit nöd sicher ob mer di richtig gfunde hend aber uf irgendeinere simmer sicher gsi🤣)
-Art Street go ahgugge 🖌️
-i en Tempel gange 🛕
-In Botanische Garte ( mir hend ja jetzt scho recht viel Botanischi Gärte gseh aber dä isch numal ä Stufe krasser gsi. Er het zwar nöd speziell farbigi Blueme aber en halbe Zoo befindet sich det drin. Leider wird dä im Moment grad gründlich putzt, deshalb hemmer eifach d Affe chönä ahgugge und d Flamingos 🐒🦩
-Als Schluss ischs denn no mit em Peak Tram ue uf dä Berg gange. D Ussicht uf ganz Hong Kong abe isch echt krass gsii😍 Mer hend det obe au no was gässä und zwar Mac. Es git da en Burger wo no Mozzarella Sticks drin het. Mir als Mozzarella Sticks liebhaber hend dä natürlich grad müsse probiere und hend en echt guet gfunde🙌🏻
-Am 18.00 het denn eusi „Pub Tour“ ahgfange, mer sind denn Schlussendlich nur i zwei und denn i en Club.😂
Aber no d Gschicht wie mer uf dä Club cho sind. Scho wi mer ahcho sind am Flughafe hemmer schnell bemerkt das Halloween da es recht grosses Ding isch. Alli Gschäfft sind Dekoriert und es git sogar es riesigs Stadt Fest zum das fiire. 🎆 🎃
Wo mer denn i dä Pubs ghockt sind hemmer immer mal wieder viel Verkleideti Lüüt gseh umelaufe, mer hend eus gwunderet wo die ächt härä gönd am ne Zistig und das vor Halloween.🤨 Nach kurzem Google hemmer denn gseh das es ä pre also ä vor Halloween Party git. Mir hend denkt ja geil mal wieder chli Usgang und hend gseh das sie am 8i ahfangt. No kurz besproche was mer wend mache und denn simmer uf dä Entschluss cho Fake Bluet go poste. So hemmer öppis günstigs aber trotdem hemmer öppis. 15 Minute spöter stürchlet denn aber en Helmuet ine mit gaaanz viele Halloween Gadgets. Da hemmer natürlich zuegriffe.😂 Euses Outfit für hüt: Hörnli😈
Nach 30 Minute sueche hemmers denn endlich gfunde. Im 27!! Stock uf meh Hochhuus isch d Party. D Ussicht isch dementsprechend au krass gsi.😫 Bis dahi hemmer immerno denkt mer seget anere normale Party…falsch gedacht. Nach öppe einere Stund het sichs gfüllt und d Party isch so richtig los gange. Es het JEDE würkli JEDE dete ä krassi Verkleidig gha so öppis wür mer i dä Schwiiz im Läbä nöd härä bringe. Und denn nöd nur so bitz Kostüm wie mir, nei richtig krassi Sache hend die ahgha. 🤩 Mer hend denn schnell gmerkt das mer i irgend es Drag ding ine gheit sind. Immer mal wieder hets Lipsync Battles, Tanz Battles oder Shot Battles gäh. Am Ahfang definitiv en Shock 😳 aber nach kurzer Ahklimatisierigs Ziit hemmers geil gfunde!🥳 So öppis wie det drinn hemmer no nie erläbt. Alli sind eifach happy gsi, guet druf und hend sich gägäsiitig Supportet. Es het au ächt Talentierti Lüüt dete gha. Und dä DJ isch absolut dä Hammer gsi. Super Lieder usgwählt und denn no krassi Übergäng härä Zauberet! 🪄
Alles i allem also richtig geil gsi! Würi jeder Ziit dä Partys i dä Schwiiz vorzieh🫢😅
Am 3.30 simmer denn dihei gsi und is Bett. 🛏️ Am 6.50 (Jup also i 3h 20min) heisst scho wieder ufstah will mer uf Macau gönd. Mal luege ob mer uf möget…😂Read more