Macau 🇲🇴

Hüt simmer ab uf Macau, das Land au no go erkunde.😇 Plan wär gsi am 7.20 z gah will am 8i d Fähre fahrt. Luut Ticket müsset mer eich scho 60minute vorher ihchecke, da mer aber erst am 3.30 go pfusse sind hemmer denkt 30minute wird wohl au lange. Am 7.20 simmer denn im ne riese Schock verwacht: „Fu*k mir hend verschlafä“. Im eiltempo hemmer eus denn parat gmacht und sind usegrennt. 🏃🏽‍♀️‍➡️Natürlich brucht genau denn es Uber 15 Minute🙄 Somit hemmer halt es tüürs Taxi gno. Dete ahcho hemmer denn ihcheckt sind dur d Sicherheitskontrolle und denn uf d 8.30 Fähre😅
Die 55 Minute uf dä Fähre hemmer numal gschlafe😴 Doch au so simmer tod müed gsi und hend usgseh wie Zombies 🧟‍♀️🤣
Egaaal, mit em Bus und z Fuess hemmer denn alles bis is chlinste Eggli erkundet. Alles bis uf d Casinos…dä Grund: Euses Küken d Michelle dörf nonig inä 🐣. Janu vo usse und uf dä Postkarte hemmers gseh😅 Wo mer denn am Abic zrugg sind mit dä Fähre simmer direkt no as Jockey Renne. Für alli wo wie mir nöd gwüsst hend was Jockey isch: das isch Jockey 👉🏼 🏇.
Isch echt lässig gsi und im „Stadion“ hets sogar es Oktoberfest und en Mac gha, crazyy! 😍 Und für üs Sparfüchs ischs sogar gratis, also für alli Touris richtig geil! 🦊Read more