Cebu chill Tag🥱

Dä ersti Tag hemmer total entspannt ahgah lah. Hend bis am 12i pfusst und eus uf di 13.00 uf dä Weg gmacht zum öppis esse. Hend eus will mer gester kei Znacht gha hend richtig was gegönnt.😁 Nachher simmer no i ä Shopping Mall wills dusse soo heiss gsi isch das mer nöd hend welle umelaufe i dä Stadt und Meer hets da au keis. Dä Grund wieso mir da sind isch will mir morn Morgä ä Tour hend wo mer Walhaie gönd go ahgugge😍😍😍 Es gaht am 4i am Morge los aber mer chönds chum erwarteee😁 Ganz sponti simmer denn am Abig no i es Piercing Studio und hend eus alli eis Stächä lah. Dä Pries vo 15.- pro Piercing isch eifach zu verlockend gsi. 🫢 Und kei Angst Mamis und Papis, d Rezensione sind super gsi und sie hend au immer schön desinfiziert und d Händschä gwächslet.😇 Am Abig hemmers üs denn vor em Hostel gmüetlich gmacht, en Film gluegt und bi Grab Food Znacht bstellt. 🍔🍕 Denn simmer au scho glii is Bett nöd das mer no versuufet vor müedigkeit morn im Meer 🌊😂Read more