Mir hend en Walhai gseh!!🥹🥹

Wie scho prophezeit hemmer hüt am 4i müsse parat stah dusse. S Ufstah isch nur mässig lässig gsi aber hend eich nur im halb schlaf zum Bus müsse und dete hemmer denn numal bis am 7i chönä wiiter pfusse. 💤 Oder säg mer besser mer hettet chönä…isch leider echt unbequem gsi, obwohl dä Bus eich meh platz bütet als di andere wo mer bis jetzt gha hend🤔 Janu mir sind also eimal ganz abe ad Insle gfahre und hend dä ersti Stopp bim Monkey Forest gmacht. Wie mers vom Name scho erwartet hemmer dete gaanz viel Affe gseh. 🙉 Und es sind eich wieder ganz liebi gsi. Mer hend au Interaktione gha: dä einti Aff het d Noemi also Ast wahrgno und deshalb en zwüsche gump uf ihre gmacht und en andere Aff het welle so fründlich sii und dä Michelle ihri Haar luuse.😂 Mir hend denn no bitz müsse warte bis es wiiter gaht und deshalb eusi UNO Meisterschaft fortgesetzt… 🏆
UND denn ischs so wiit gsi, mir sind uf es Bambus Böötli gstiege und in See gstoche. 🚣 Scho nach kurze Ziit hemmer dä ersti Walhai gseh ah dä Oberflächi 🥹 Er het vo dete scho rieeesig usgseh, wommer denn is Wasser sind isch er direkt ah üs verbii gschwumme. Es unglaublichs Gfühl gsi näbt somne riese Fisch dörfe z sii😍
Nach öppe 1h simmer denn wieder 2h im Bus wiiter an nächste Stopp gfahre. Ah dem hemmer riese Sardine Schwärm und viel Schildkröte gseh 🐢 D Guides hend alles gäh das mer es guets Video hend mit em Turtle 🎥 Denn hets au eifach mal us em nüt gheise “Breath und Push”…schwubs het er dich abe druckt und d posier Fähigkeiten sind gfrögt gsi.🤣 Nach em ganze Schnorchle hets denn ä Mittags/Namittagspause gäh wo mer öppis hend chönä ässä. Und als Dessert hemmer üs denn au no es Glace gönnt.🍦
Am Schluss ischs denn 5! Stund wieder heigange.🙂 Will da grad irgend es Fest isch hets unglaublich viel Stau gha, eich het mer nur um di 3h aber janu für dä Walhai hets sichs alle weil glohnt!😇 Mir sind übrigens mit no vier andere uf dä Tour gsi und per Zuefall wohned zwei vo dene eifach au i dä Schwiiz. Wie chlii d Welt doch isch😂 Die zwei sind mit dä Eltere vo ihm underwegs gsi und sie isch Phillipinerin. Sie het eus denn no viel über d Phillipiner, s Esse, d Regle ect. chönä verzelle. Da hemmer mit offne Ohre zueglosst.👂🏻 Glii isch dä ganz Bus denn am Gspröch beteiligt gsi. Isch echt cool gsi vom Guide und ihre mal Sache z erfahre wo mer suscht als Touri halt nöd weiss will mers meistens nöd wür google au wenns eim eich wunder nimmt. Mer muss dezue no sägä das i dem Auto es gmisch vo Sprache gsi isch. Mit em Sohne und sinere Fründin (also die zwei us dä Schwiiz) hemmer Hochdütsch gredet, mit sim Mami Englisch und em Guide ebefalls Englisch. Dä Guide und s Mami vo ihm hend aber Phillipinisch gredet und die vier underenand Italienisch. Hend also eich grad no chli Sprach Unterricht gha😁 Am Abig tod müed dihei ahcho und deshalb numal bi Grab esse bstellt.🍝Read more