Strand Tag 🌴

Hüt isch mal en total langwilige Tag gsi aber genau das hemmer mal wieder welle. Gmüetlich ufstah, is TukTuk höcklä, am Strand bädele und chli brötle lah vo dä Sunne.☀️
Am Strand sind mir ziemlich di einzige Touris gsi, suscht hets nur Philippiner Familie gha. Mega süess gsi zum gseh wie die mitänand umgönd. Richtig herzigi Kultur! 🫶🏻
Bim erste mal is Wasser gah hemmer scho öppe 8 blaui Seesterne gsichtet. Die hemmer denn spöter no welle fötele, doch es sind irgendwie denn alli weg gsi. Zum Glück hemmer denn es Meitli gseh wo mit dem Seestern wo mer uf em Foti une gseht umegloffe isch. Mir sind härä und hend gfrögt ob mer es Foti dörfed mache. Sie eus dä sofort id Hand druckt. Kei Ahnig ob mer das sött ahlange, aber Yuppie mir hend es Foti chönä mache😂
Wo mer gmüetlich am läsä gsi sind uf em Tüechli sind denn us em nüt vier Hünd cho und hend üs quasi ahgriffe. Sie sind ufs Tüechli ghockt, hend eusi Schueh welle klaue, hend s Esse welle esse und vieles meh…🙂 Mir also total in stress cho und eus wie 3 Jährigi Meitli vo dene vier chline Hünd verschüche lah😅 Ja im Nachhinein glaub sehr lustig gsi für die andere zum zueluege wie mir drüü Hüehner hektisch packet und gönd…🤣
Mer sind den früehziitig an Flughafe und det het s Schauspiel mit em Übergwicht wieder ahgfange. Langsam simmer Profis deshalb umpackt, alles ahgleit plus no paar sache irgendwo versteckt und denn isch das tiptop gange😁
Am 20.00 simmer den gfloge und am 23.45 im Hostel z Manila ahcho. Es isch nur en kurze Zwüschestopp will am Morge am 4i gahts scho wiiter as eigentliche Ziel und zwar Boracay.🥰Read more