Bohol erkunde

Am Sunntig isch am 7bni am Morge d Fähre richtig Bohol gfahre. Da eusi Täg langsam zellt sind gits halt chli strängeri Täg mit weniger schlaf.😅 Die zwei Stund uf dä Fähre hemmer komplett durre pennt und dänne ahcho simmer denn grad vom ne Taxi driver überschnurrt worde mit ihm d Insle z erkunde. 🚕 Da mer nur ei Nacht uf Bohol sind hemmer das Ahgebot ergriffe und so ischs am 9.15 denn losgange d Insle z erkunde.🤓
1. Stopp sind d Chocolate Hills gsi 🍫
2. Stopp isch bim ne Butterfly house gsi. 🦋
3. Stopp isch üses eigentliche Highlight gsi und zwar simmer zunere Tasier Sanctuary gange.😍 Eusi Koala suech Skills, wo mer in Australie ufbaut hend, sind endlich mal wieder brucht wordä😂
4. Stopp isch ine Tropfstei Cave gange. Zerst hemmer denkt wird eh nöd so geil, wommer denn aber mit Helm und Taschelampe usgstattet worde sind hemmer gwüsst wird wohl das chli krässer als gmeint. 🪖 🔦
D Weg i dä Höhli hend also definitiv en Helm gforderet gar nöd mal so eifach gsi um die ume z zirklä😂
5. Stopp isch ä Chile gsi, doch so gnau simmer die denn nöd go ahgugge. ⛪️

Denn ischs au scho is Hostel gange und mir hend eusi Wösch ready gmacht zum wäsche, höchsti Eisebahn gsi!🫣
Will s Wetter gäg dä Abig chli zuegmacht hett hemmer denn googlet obs denn per Zuefall es Kino het und tatsächlich hemmer eis gfunde😁
Es isch innere Mall gsi weshalb mer grad no dä Phillipinischi Fastfood Lade Jollibee usprobiert hend. Für Vegis wie überall chli kake aber wenn mer Fleisch isst echt en geile Lade, zumindest vieeel besser als Mac und das ganze fettigä Zügs😅
Dä Kino Ihtritt het, hebet eu fest, eifach nur 3 CHF pro Person kostet. Mir sind üs selber nöd sicher gsi ob mers richtig verstande hend. Jetzt wüss mer was mer bi schlächtem Wetter chönd mache.☺️ Wie immer natürlich zerst no in Supermarket alli wichtige Snacks go poste wo mer denn im Kino hend chönä snacke. 🍇🍪🍉🍫
Nach em Film ischs denn is Hostel gange und det hemmer mal wieder en richtige Müll verwütscht. So schlimm das mer nöd hend chönä go Dusche, ufs WC gah und s Zähputze het nur mit Luft Ahhalte klappet.🤢 Mer sind froh ischs nur ei Nacht😅Read more