• We gonne keep the tan up…

    November 6, 2024 on the Philippines ⋅ ☁️ 28 °C

    …oder wie mer uf dütsch seit: „hüt wird gsünnelet!“ ☀️🦀
    Doch dä Tag het nöd so gstartet wie gwünscht. Am 7.15 stürchlät doch eifach zwei Fraue (die vo dä Rezeption und di neu Mitbewohnerin) i euse Zimmer ine…und nöd grad lieslig. Mir alli vor Schreck ghockt im Bett. 😳 Die denn eifach gredet und d Täsche irgendwo härä tah. Oke guet probier mers numal mit pfusse. Doch 30 Minute spöter stürchläts numal ihnä. Sie denn so: „Sinder alli wach dörf mer s Liecht ahstelle?“
    Bravo jaa jetzt simmer wach. Guet somit eusi Lune scho mal uf em Höchstpunkt gsi. 🙂 Doch statt wiiter pfusse hemmer denn denkt mir münd jetzt da use und gönd am Strand go wiiter pfusss det weckt eus immerhin niemert.😂
    Am Strand ahcho hemmer denn schnell wieder gueti Luune gha eich scho ab em erste Blick ufs Meer! 🌊
    Sind denn dä Tag dur no chli durs Städli und hend eifach s Heidliland gseh. Bitte waaas?! 😱 Det hemmer natürlich grad innä müsse und was mer det gseh hend hemmer chum chönä glaube: Migros Ravioli und Aromat. So krass😍 Da hett mer gar nöd 8 Bütel Aromat müsse vo dä Schwiiz mitnäh…😅
    Am Abig denn dä Sunneundergang go gugge und mal wieder i euses Lieblingsresti. 🤗
    Eusi Zimmernachbarin isch übrigens ä Philippinerin und echt MEGA lieb. Sie isch scho eher alt also bitz wie euses Grossi wo eus jeweils Tipps git und immer bevor mer gönd seit: „passed uf eu uf!“😇
    Read more