Inselhopping 🐠🏝️🤿

Ah üsem letschte Tag in Boracay hemmer denkt mümmer no en Usflug chli rundum d Insle mache. Gesagt, getan hemmer denn bi somne Gwaggli wo am Strand sini Toure verkauft eini buecht. No chli gmärtet und denn isch d Tour au scho gstande.😇
D Tour isch eich 5h gange am Schluss sinds denn aber sogar 6h gsi. Bereits bim ihstiege isch eus öpper bsunders is Aug gstoche. Mer het nöd lang müsse währweisle was er vo Bruef macht oder wett mache…en klare Influencer. 🤳🏽 Er scho vo ahfang ah am Tanze, Filme ect. Also fürs Unterhaltigsprogramm ah Board isch schomal gsorgt!😝 S Boot isch losgfahre und er denn grad scho vo ahfang ah: „Music, Dance!“ 🪩
D Crew het das ernst gno und d Musig so richtig ufdreiht. Er da am Tanze gsi wie wild und immer meh und meh Lüüt hend denn au ahfange tanze, unteranderem natürlich denn au mir. 💃🏽 Er, sini Fründin plus no ein ältere Maa und natürlich mir sind di einzige richtigä Touris gsi alli andere sind Philippiner gsi. Und eis chömer eu sägä: Philippiner sind Partymüs!😂 Die da sofort tanzt und gsunge und das obwohl eich alli mit ihrne chline Kind underwegs gsi sind. D Kind hend voll dri passd sind mägnisch fast Textsicherer gsi als mir.😅 Also richtig herzigi Stimmig gsi uf dem Boot.🥰 Mir als Europäer sind au höch im Kurs gsi zum Fotis mit eus mache😅
Dä Usflug an und für sich isch okay gsi aber nüt mega speziells sind ah ein Spot go schnorchlä, denn ah en mega schöne Beach, go Zmittag ässä und dete i die Heiss Schüsslä go bade und zum Schluss denn no zu dä Crystal Coves. ☺️ Wommer zrugg cho sind hets no en nap am Strand gäh und denn hemmer üs ready gmacht zum wieder dä Sunneundergang go ahgugge. 😇
Spöter no ab is Nagelstudio und s letschte mal i üses feine Resti!🫶🏻Read more