Insle Tour uf El Nido🛶

Am Samstig isch mal wieder ä Tour ahgstande. Zum die bueche hemmer eus vieeel Ziit lah und gluegt wo mer sie am günstigstä bechömed. 😂 Uf dä Philippine hets oft Lüüt uf dä Strass wo die verkaufet und det ischs jeweils einiges günstiger als uf z.B Get your Guide. Anstelle vo 30.- pro Person hemmer 22.45 zahlt mit gratis Schnorchel und Abholig vom Hostel. Usegholt würi sägä.😁 D Tour het us verschiedene Spots bestande. Bi paarne het mer chönä schnorchlä bi anderne am Strand liege und bi eim sogar Kanu fahre. Bim Schnorchle hemmer s erste mal Tintefisch gseh 🐙☺️ Zmittag gässä hemmer quasi ufere einsame Insle. Nur eusi Gruppe isch dete gsi und mir hend d stilli chönä gnüsse. S Esse isch au richtig fein gsi!😋 Uf dä Tour hemmer denn no en Dütsche und ä Kanadierin kenneglernt, mit denne simmer am Abig au go ässä und no is „Casino“. 🎰
Aber zerstmal hemmer eus wo mer vo dä Tour heicho sind es richtigs Italienischs Gelato gönnt.🍦 Nachher simmer no zunere Poolbar gloffe und hend vo dete us dä Sunneundergang gnosse.🌅
So chömer zrugg zum Casino es isch nöd es Casino wie mer sichs vielleicht vorstellt. Am Abig bauet die jeweils vier Zält uf und det drin befindet sich denn die Spieltisch. S Prinzip isch ganz eifach es het 6 verschiedeni Karte i dä Tischmitti und die 6 Karte denn au am Rand um dä Tisch ume. Jedi rundi werdet 3 Pingpong bäll dri grüert. Uf dere Karte wo dä Pingpong ball druf bliebt das Geld wird verdopplet wemmers am Rand uf di richtig Karte gsetzt het. 🃏
Isch echt geil gsi denne zuezluege wie sis mached.👀
Spöter simmer no i en Club und am 2i denn langsam heigloffe.😇Läs mer