Lady-drivers on the road🌍

Vom Port Macquarie isch es denn uf em fast direkte Weg nach Byron Bay gange. Zum die Gschicht verstah bruchts no chli zuesätzlichi Infos zu eusem Auto, also dä Jucy Lucy. Bi dä Vermittlig hemmer ja wie gseit dörfe uswähl zwüschet meh mega lange Auto oder dä kompakte Jucy Lucy. Womer eus denn für sie entschieden hend und sie go ahluege sind hends eus mitteilt das sie s ältischte Auto isch und das krätz ect. kei rolle meh spieled.🙂 Nach dene Wort hend mir denn nur no ei Frag gha: Schaffts d Jucy Lucy bis uf Cairns ue? Was ungefährt 28 Autofahr Stunde sind…

So mit dem wüsse im Kopf simmer denn uf d Autobahn, mer hend än lange Weg vor eus gha doch scho nach kurzem het sichs komisch ahgfühlt zum stüre und vorallem es het komisch tönt. Die wo no in gnuss cho sind dä alti Mercedes vo dä Noemi z kenne chönd sich euses neue Auto öppe i dem Zuestand vorstelle nur no zuesätzlich mit ganz viel Delle versehrt. Mir sind also uf schnellstem Weg ab dä Autobahn und eifach irgendwo is Gras gfahre zum d Pneu chönä ahluege. Bim Stopp denn die gross Überraschig: ES KÄNGURU 🦘😍

Voller Freud hemmers so lang beobachtet und d Michelle die Momentufnahme festghalte, bis es denn devo ghopplet isch und denn hemmer eus wieder am ernst vom Läbä chönä vidme. Pneu zum glück no ganz, nur bitz wenig Luft. Somit gfixt und wiiter ischs gange. Am Abig denn ahcho hemmer am Strand chönä koche i begleitig zu schöner Strand livemusig.😌Läs mer