Currently traveling

Oman/Indonesien

December 2019 - April 2020
Currently traveling
  • Day53

    Gili Air - work and chill

    February 14 in Indonesia ⋅ ☀️ 29 °C

    Sit fasch drü Wuche bini jetz uf Gili Air am schaffe, chille, ässe, touche, sünnele und gniesse. Z Projekt isch sehr interessant, i lehre täglech Neus derzue u d Lüüt si super nätt. Näbem Projekt bini fliessig am lehre für mini Divemaster Usbiudig. Meistens im Wasser, weni nid grad ä Ohreentzündig ha... Z Läbe hie fägt sehr u i chönt mer kes bessers Büro vorsteue... 😉Read more

  • Explore, what other travelers do in:
  • Day35

    From Oman to Dubai to Gili Air

    January 27 in Indonesia ⋅ ⛅ 30 °C

    Mittlerwiele bini i mim neue Deheime für die nöchste 8 Wuche acho. Nacheme churze Stopover in Dubai isch d Reis via Bali nach Gili Air gange. Ä chlini Insle zwüsche Bali und Lombok. Ire Stung isch me rund um d Insle gloffe, äs git keni Outos u me luegt druf, dass me so umwäutverträglech wie möglech läbt. Aso ä ziemleche Kontrast zu Dubai!Read more

  • Day24

    Taqah castle

    January 16 in Oman ⋅ ☀️ 24 °C

    Hüt hani äs Usflügli uf z Schloss in Taqah gmacht. Wobii, äs isch eher so gross gsi wie nes Eifamiliehuus... ;) Aber immerhin - äs het ä Klimaalag gha - für was weisi aber nid so richtig... 🤷‍♀️ Äuä für z Biud vom Sultan z chüehle, wo i däm Ruum hanget. Äs paar schöni Föteli hets gliech gä! Ashofk 3ala 5eer! ;)Read more

  • Day18

    Diving in Mirbat & Wadi Darbat

    January 10 in Oman ⋅ ⛅ 24 °C

    Am Friti bini zum erste mau im Oman abtoucht, ir Nöchi vo Mirbat. D Ungerwasserwäut isch schön, aber nid so vielfältig wie zum Bispiu z rote Meer. Aschliessend si mer is Wadi (Tal) Darbat gfahre zum dr Wasserfau aluege. Da im Momänt nid Rägesaison isch, hets nid so viu Wasser gha. Aber isch gliech sehr schön zum aluege!Read more

  • Day13

    Salalah surroundings

    January 5 in Oman ⋅ ⛅ 26 °C

    Salalah isch d Houptstadt vom Bezirk Dhofar und ganz im Süde vom Oman. Vorauem bekannt für ires tropische Klima, die früsche Frücht u z Gebirge diräkt hinge dran. Viu verschiedeni Landschafte zum entdecke! Hüt sis mau nid 🐫 gsi sondern äs Chamäleon wo über d Strass gloffe isch... 😉

  • Day8

    Mugshail Beach

    December 31, 2019 in Oman ⋅ ⛅ 28 °C

    Hüt hani mit mim Gfährt d Gägend um Salalah erkundet - inkl. Kamel 🐫 uf dr Strass... 😁 D Stränd hie si ziemlech verlasse und immer no sehr unberührt - wunderschön!

  • Day2

    The start

    December 25, 2019 in Oman ⋅ ☀️ 26 °C

    Nachere agnähme Reis über Dubai bini guet in Salalah, Oman acho. D Lüüt hie sie super fründlech, dr Strand isch wunderschön u Wiehnachte het hie gar niemer interessiert... 😉 Äs herrsche agnähmi 28° - so fägts! 😁