Komodo Tour 1

Üse letschti, ganzi Tag in Labuan Bajo isch no früener losgange als d Täg vorher, nämlich scho am 5i. Mir sind aber nüme go tauche sondern hend e Inseltour vo Komodo gmacht, wo mer mit emne Boot verschiedeni Pünkt agfahre hend.

De ersti Punkt isch d Insle Palau Padar gsi, e Insle wo mehreri öppe 200 Meter höchi Berge druf het. Uf de einti Berg simmer churz noch Sunneufgang ufegloffe und hend e schöni Ussicht über di nöcher Umgebig gha.

Üse nögsti Stop isch Pink Beach gsi. Vor dem Strand hets en Hufe roti Koralle, wo wenns absterbed und zermale werdet, de Strand pink färbet. Döt hemmer es bitz chönne schnorchle und am Strand es paar Foti mache.

De dritti Stop isch uf de Insle Komodo selber gsi. Döt simmer ane, um di berüehmte Komodo Warane, die grösste Eidechse vo de Welt, z gseh. Leider isch de Ort sehr touristisch gsi. Während de "Tour" hend mir zwor zwei Komodos gseh, de eint isch aber sich sehr a Mensche gwöhnt gsi und de ander isch fast leblos nebet de Hütte vo de Bewohner glege. Während em Esse hemmer no en dritte, chlinere Waran gseh, wo wilder gsi isch und sich getraut het, dur d Hütte z striele zum Esse sueche. Es isch sicher sehr idrücklich gsi, zum die Echse moll gseh, mir hend aber beidi gseit, dass mer nüme döt anegoh würdet go, well sichs meh wie en Zoo agfühlt het.

De zweiti Teil vo dem Tag findet ihr im nögste Footprint...
~
Our last full day in Labuan Bajo started even earlier than the previous diving days. But instead of diving we did a komodo tour during which we visited multiple spots by boat.

The first spot was Palau Padar, an Island which hals multiple about 200 meter high mountains on it. Shortly after sunrise we walked up the stairs of one of those mountains to enjoy the view ofer the neighbouring mountains.

The second stop was at Pink Beach. In the waters ahead of that beach there are red corals which when dead an munched up are giving the beach a slight pink color. There we had time to snorkel and chill a bit on the beach as well as to take some pictures.

Our third stop was on the island of Komodo itself to see the famous Komodo dragon which is the largest lizard in the world. Sadly this place was very touristic. During the "tour" we had see two komodo dragons, but one was clearly used to people and the other one was laying almost lifeless in closest proximity to the village. During lunch we have seen a younger dragon that was strolling through the village looking for food. It was definitly impressive to see the dragons but we both said that we would go there anymore because it seemed more like a zoo than wildlife.

The second part of this day is visible in the next footprint.Read more