Ab in den Süden

De Tag het miteme chline aber feine Zmorge ih üsem Hotel gstartet. Venaco hemmer denn hinter üs loh und sind de wundervolle Stross richtig Süde gfolgt. D'Stross het sich ih de Mitti vo de Insle zwüsched Gebirge und ih wunderschöne Wälder richtig Süde gschlänglet. Irgendwenn simmer denn ufeme alte "Räuber-Pass" glandet. D'Stross isch chum breiter wie es Auto gsi, das het üsere Reisegschwindigkeit aber natürlich kein Abbruch tue. Begleitet vo lebige Saue und ere nüm so lebige Schlange (bin (leider) drüber gfahre), simmer bimene lokale Resti ahcho wos denn es feins korisches Plättli geh het.

De zweit Teil nach üsere Stärkig isch wieterhin mit atemberaubende Ussichte gspickt gsi. Nach ca. 5h Fahrziet hemmer wieder Meer in Sicht gha, leider hemmer denn au es chlises Tankstelle-Problem gha. De Marco mit sim schwere Gasarm het sich mit de paar letschte Tropfe Benzin im Tank ih die nöchst, doch no wiet entfernti Tankstell, müesse rette.

Gsund und munter simmer denn ih üsem Hotel in Bonifacio (südlichsti Stadt) ahcho und hend sogar no es Upgrade ih es 6-Bett Bungalow direkt am Pool übercho.

Super Tag, super Strosse, super Esse, was wetsch meh?

Km 1480En savoir plus