Miradouro da Boca do Inferno.

„Miradauro da Boca do Inferno, da müeeeemmer unbedingt hi,“ hanich gmeint.😍 Du bisch schnell ihverstande gsi wonich dir die viele schöne Fotis vo dere Wanderig und em Ussichtspunkt zeiget han.🙋🏻‍♂️ Also simmer losdüset & hend de Usgangspunkt vo de Wanderig nachere zimlich churze Zit erreicht. Duzendi vo parkte Autos hend mis Gfühl bestätigt, dass das eifach e superschöni Wanderig si muss.⛰ Wommer usem Auto usgstige sind hemmer scho serschtmal dNase grümpft will en zimlich chüele Wind gange isch und mir nur mit churze Hose und emne Tshirt usgstattet gsi sind. Aber das isch ja kei Sach mir chömet ja den bi dere knapp 3 stundige Wanderig scho warm über. Zum Glück hemmer din dicke Pulli & es Badtüechli vom Vortag no im Kofferrum gha wommer den eifach zur Sicherheit glücklicherwis no in Rucksack packt hend. Nachem erschte Kilometer steilduruf isch üs den bewusst worde dasses definitiv nümme wärmer wird sondern denn eher sGegeteil ihtroffe isch. Immer chüeler, windiger & benäbleter isches worde.☁️ Kei schöni Ussicht, en arschchalte starche Wind wo di fascht de Hügel durab gfindet het und kein Meter wit hemmer me gse.
Min Mulwinkel isch definitiv am Bode zfinde gsi.☹️ Wo du den gmeint hesch dassmer ez gschieder umcheret isch au s‘schlechte Wetter zwüschet eus usbroche.😤 Stinkhässig, sprachlos & halbe ihgfrore simmer den de erschti Teil vom Berg abegloffe (abegrennt) wos den e Trinkpause ghe het. Da hämmer den zimli schnell wieder chöne zemme lache & hend denn üsi Pause mit de „Decki“ scho fascht chli chöne gnüsse.🥶❤️🥹Leia mais