Hout Bay Night Market.

dSchuel bütet immer wieder Trips für diversi Attraktione ah. Somit hettmer fascht täglich e Möglichkeit zum amne Usflug wie amne Märtbsuech, anere Safari, anere Wanderig oder anere Kajaktour teilzneh. Es gilt immer, „de schneller isch de gschwinder“ und somit währdet dStudente vo de verschiedene Klasse zemmegwürflet. Dä Adilson, Jenny, dFabienne und ich hend üs dezue entschiede zum an Night Market in Hout Bay zgha. Am halbi 5i het üs den de Shuttlebus vo de Schuel nach Hout Bay chauffiert wo öppe 40 min. entfernt gsi isch. Da het üs nöd nur en Foodmärt sondern auch diversi Märtständ mit Chleider, Schmuck und Souvenirs erwartet. En gmüetliche Abig direkt am Atlantik hemmer den mit live Musig, guetem Esse & coole Lüt chöne gnüsse.🥂 Am 22:00 Uhr het üs den de Shuttlebus wieder zrugg kutschiert und het den sogar jede Student höchschtpersönlich vor sinere Unterkunft abglade.🤗Weiterlesen