Table Mountain.⛰️

De Table Mountain isch eis vo de bekanntische Wahrzeiche in Kapstadt. Demit mir rechtzitig zum Sunneuntergang on the Top of the Mountain sind, hanich mich mitere Gruppe mit fascht nur brasilianische Studente am 15:00 Uhr uf de Weg gmacht. Mitm Uber simmer richtig Table Mountain gfahre. Wommer bi de Talstation ahcho sind hend zerscht mal alli dJagge müesse montiere will en ziemlich chalte Wind gange isch. De Blick id Höchi het den die einte scho ah de Wanderig zwifle lah wills zimli düschter, wulchig und beneblet usgseh het, aber sWetterapp het gmeint, de Nebel wird verschwinde und dSunne wird für üs gege de Abig strahle. Zuversichtlich simmer loszottlet und zimlich schnell het sich herusgstellt dass die südamerikanische Studente wohl nöd so oft i de Berge sind.😅 Die einte hend den nach de erschte 100m grad wieder kehrt. Über Stock und Stei hend mir üs id dHöchi begäh und je höcher mir cho sind desto nebliger & chüeler isches worde. Nach über 2.5h sind den au die letschte schweissgebadet, abgschlage und küchend on the Top ahcho. Weder e Ussicht no en Sunneuntergang het üs wie erhofft da obe erwartet. Dichte Nebel und ischalti Temperature hemmer da obe ahtroffe und drum hemmer üs as erschts grad mal miteme heisse Kafi im Resti ufgwärmt. Mir sind üs zimli schnell einig gsi dassmer so schnell wie möglich wieder abegönd und zwar nöd zFuess sondern mit Bändli. Schlotternd simmer is Bändli ihgstige und siehe da, bi de Abefahrt isch den de ersehnti Sunneuntergang und au dUssicht zum Vorschi cho. 🌄 Will au dune alli immerno so chalt gha hend, hend mir den die planti ahschlüssend Pizzeria gstriche und jede isch hei under die 30 minütig warm Duschi.😄Les mer