Eggum

Di Nacht hets grägnet u gluftet wi nume öbis. Ih ha fasch ni chönne schlafe u d Sabrina het dürepfuset. Am Morge hei mrs üs gmüetlech gmacht im Outo. Mitemne feine Früchtemüesl und emne Chai Latte hei mr dr Tag gstartet. No e Videoahruef mit dr Barbara ir Hoffnig ds de z Wetter e chli besser wird. Ner simr Eggum ga ahluege. Dert simr zumne Wasserfau gloffe. D Natur hie isch wük schön. U überau hets Schaf, di hei hie so viu Platz mä chönnt meine es si wildi Schaf. Ungrwegs richtig Leknes hei mr per Zuefau z Motorsport Center entdeckt womer no bimne Outorenne hei chönne zueluege. Leider no gad z letzte, aber es hett ner eh gad mega ahfa regne. Nach Eggum simr no schnäu ane Ussichtspunkt gfahre, womr üses Grauwasser hei chönne entleere. Bim neue Schlafplatz hei mrs üs schnäu mau dinne gmüetlech gmacht, wöu z Wetter isch so zimli unberechebar. E feine Salat zum zNacht u iz geits de früe iz Bett. Czytaj więcej