Ankunft in Sydney

Am hütige Tag hemmer mal wieder lockers Programm gha. In Bathurst het de Nico no Unbedingt 1x über de Mount Panorama fahre, will dehte eini vo sinne Lieblings Rennstrecke duregaht. Während sich de Nico wie en Rennfahrer het därfe fühle🚨 uf de Rennstrecki, wo uf öffentliche Strasse isch, sind kei Verkehrsregel broche worde🚨 Denn hemmer eus uf de Weg zu eusem hütige Ziel, Sydney, ufgmacht.
Uf dere Fahrt hemmer fast alles ah Wetter wieder gha, als ersts Sunne mit eusem liebe Fründ vo Wuche 1, de Wind 💨, und denn isch euse treui begleiter vo de letschte Täg, de Rege 🌧️immer mal wieder uftaucht. Zuesätzlich simmer hüt no ih eh dichi Nebeldecki gfahre und es het so richtig gherbstelet🍂🍁 De Usblick vo de Blue Mountains, hemmer darum leider grösstenteils verpasst🫤
Am Mittag hemmer denn halt für Tee & Kuchen gmacht. Das Kaffi wo mer usgwählt hend, isch sehr herzig gsi, da die ganz inne usstattig usgseh het wie innerem Märli🧚
Gstärkt hemmer denn no die letschte Kilometer richtig Sydney in ahgriff gno🚗💨
Nachem Check in im Hotle hemmer euses züg uf Zimmer bracht und sind denn los richtig Hafe um en scho mal en Teil vo de Stadt chönne ahluege. Zum Znacht simmer denn ih eh Steakhouse. De Nico het Lust uf neus gha und het Känguru probiert, und es het ihm gschmöckt👌🏻
Nach dem mer denn gesse hend simmer no richtig Operehuus gloffe und denn das im Dunkle bestuunt. 🤩
Zrugg im Hotel hemmer de Abig usklinge lah mit es paar runde UNO und sind denn is Bett😴😴Okumaya devam et