Sydney Tag 1

Hüt hemmer euse ersti Tag in Sydney gha. Als erst hemmer eus mal es Kaffi gsuecht, wo mer hend chöne Zmorge esse. Nachere churze suechi hemmer denn öpis gfunde und mer hend eus mit Pancakes stillt, Speck und es Spiegelei mal gstärkt🥞 Bis mer emel vom Hotel am Hafe sind, mümmer ebe doch guet 40min laufe🫣
Nach em Z‘morge simmer denn richtig „the Rocks“ glofe, das isch en Stadtteil ide nächi vom Operehuus. Ih dem Stadtteil hemmer denn au eh Füerig gha, wo eus vieli Intressanti Geschichte, vorallem über die aller erste Sträfling, wo da in Australie ahcho sind, wie sie Sydney und die andere erste Kollonie gründet hend, und wie das so zue und her gange isch. Nachdem mer die füehrig gha hend hemmer eus uf de Weg richtig Operehuus gmacht. Nachere churze Rast simmer denn no in ahgrenzende Botanische Garte. Tamara het Glück gha und es paar neui Vogelarte sind ihre vor Linse gehüpft. 🦜
Das scho wieder Abig worde isch wo mer de Botanischgarte verlah hend hemmer ade Hafepromenade es Italienisches Resti gsuecht. Ahschlüssend simmer uf direktem Weg is Hotel, hend ufere App Taboo duregspielt, und sind denn is Bett, was mer au verdient hend will mir hüt 15km abgspelt hend.
🏃‍♀️🏃‍♂️💨💨Meer informatie