Ankunft in Port Macquarie 🙏

Hüt hemmers trotz de Überschwämmige in New South Wales nach Port Macquarie geschafft!
De Highway isch zum Teil wieder offe gsii, au wenn mer rechts und links immer no viel Wasser und neu erstandeni See entdeckt hend. I eim Städtli hemmer denn aber müsse vom Highway abe und en ca 40min Umweg dur Nebestrasse neh, bis mer wieder uf de Highway und nach Port Macquarie hend chene fahre.💧
De Tamara ihri Fründin, Gess, ish überglücklich gsii, schliesslich isch das treffe sit meh als eim Jahr in planig gsii!🤩
Mir hend also eusi Sache derfe i ihri Wohnig bringe, wo mer die nexte drüü Nächt bliibe derfet. Denn het sie eus nach emene Willkommensgetränk uf de Weg an Strand gmacht, wo mer denn de Gess ihri Eltere, Ian und Leanne, und de Gess ihren Fründ, de Brad, zum Znacht troffe hend 🍽
Da hemmer au super schnell därfe feststelle, wie nett die Australier sind! Sofort simmer mit offene Arme empfange worde und i vieli cooli Gespräch und Witz ine gholt worde. Es isch en super Abschluss für de Tag gsii und au schön mal ned müsse imene Hotel übernachte😉
Is Bett simmer nach emene Port Macquarie Glace Dessert, denn doch relativ schnell, will für de Next Tag hemmer no einiges plant👣👣Læs mere