❌Mir hend zue ❌

Hüt heti euse Tag eigentlich erst am 9:00 sölle starte, Leanne het aber eus scho am 8:30 zu de Federe us ghaue, will sie sich ide Ziit vertah het🫠😂
So simmer denn bitzli früehner wie Plant, richtig „Flynns Beach“ ufbroche wo mer denn au euse Zmorge gha hend.
Nachem Zmorge hemmer de Brad dehei abghollt. Ahschlüssemd simmer an Strand, wo mer theoretisch het chöne Kamel riite. Leider hends hüt zuegah, uf Grund vo de Fluet vo de letschte Täg☹️ Also simmer wiiter zum Lüchtturm vo Port Macquarie, dehte hemmer chöne Ussicht gnüsse. Underwegs zum Sea Acers Regewald Center het Tamara ENDLICH chöne es Bild vonerem Lachende Hans mache, en Vogel wo sehr berühmt isch für Australie. Freud het aber nume churz gherrscht, will au das Sea Acers Center jet hüt zuegha…
Dabii hemmer so de erst Agriff vom Australische Wildlife erlebt, wo so en hässliche Bluetegel sich bi de Tamara am Knöchel festgsuuget het. Zum Glück het sie das aber grad so knapp überlebt🙏🏻
Damit mer doch no es bitz Wildlife gsehnd vo Austrlaie simmer no ih eh Uffangstation für Koalas go bsueche, dehte lebed underanderem Koalas wo bim grosse Buschfüür 2019/2020 vo de Flamme verletzt oder vonerem Auto ahgfahre worde sind.
Nach de Koalas het denn Gess Idee gha, zumerem Ussicht Punkt gha wo uferem nahelege Berg isch. Leider isch de Weg zum mit em Auto uf de Berg cho gsperrt gsi…..🫤
Da stimmig ah dem Punkt nöd so guet gsi isch, simmer go Tee und Scones esse😋
Nachdem mer die stärkig zu eus gno hend, hemmer zu de Leanne und em Ian hei chöne, da mir zu Znacht ihglade gsi sind. Wo mer denn uf Ihrem Grundstück ahcho sind, hends eus packt und sind mit eus uf en naheglege Hügel gfahre, damit mer endlich mal wilid Kängurus chönd ahluege, wo ned grad weg hüpfed. Und tatsächlich, nach öpe 10min warte sind denn ca 10 stuck um eus ume gsi und mir hend endlich chöne wildi Känurus in ruhe ahluege😁😁.
Zum znacht hets denn Rissoles, das sind Hacktätschli, mit Herdöpfelstock und Gmüess geh. Es isch schön gsi, endlich mal nöd müesse is Resti hocke und znacht esse, und Leanne het au super koched.
Da de Brüeder vo de Tamara vor 2 Jahr Familie Crowe bsuecht het hemmer ihm denn au no ahglütet. Nach dem Lustige Abig simmer denn zrugg zu de Gess und sind relativ diiirekt is Bett go pfuse😴Читать далее