Yeehaw🤠

De Tag hüt isch zum grösste Teil vo Rössli in Aspruch gno worde 🐎
Mer hend für de Namittag in Banff en 3h Trail Usritt buechet gha. Am 13.00 isch losgange, also hemmer eus vom Hotel zerst is Städtli bewegt, zum en chline Zmorge neh☕️
De Stall selber isch nume ca 7 Minute vom Zentrum entfernt, wo mer acho sind hemmer zerst müsse durelese was alles passiere cha, wenn mer mit Ross unterwegs isch.... sogar für Tamara, wo das ja alles guet kennt, het das alles so bi enand ufgschriebe recht krass gwürckt.
Nachdem mer also euses ok geh hend dass mer verquetscht, vertramplet, abegmschiesse, bisse, kickt oder grad sterbe chend, sind eus eusi Rössli zueteilt worde.
De Eliott für Tamara und de Cree für de Nico 🐴🐴
De Usritt im Schritttempo isch recht annehm gsii, au wenn mir beid de Englisch Sattel um einiges bequemer findet! Für das "Cowboy feeling" hets aber glanget🤠 d'Landschaft im Banff National Park isch aber wücki wunderschön und het eus über Trails dur de Wald, am Fluss und a de Berge verbii gführt 🏞
Eusi Rössli sind all super lieb und total Bombesicher gsii, also simmer au unbeschadet und ohni Vorfäll wieder im Stall acho.
Heil hemmer eusi treue Ross wieder abgeh, eus bedankt und verabschiedet und zurgg id Stadt zum eppis zum Znacht finde. Imene Steakhouse simmer fündig worde und hend dete guet gesse, bevor mer wieder zrugg sind für e usgedehnti, warmi Duschi 🛁🌫Lue lisää