Réinitialiser la recherche
Australien & KanadaAustralien & Kanada
Modifier la route

Australien & Kanada

mai - juin 2025
Actuel
Une aventure ouverte par Nico0743 & Tamy En savoir plus
Actuellement en voyage

Liste des pays

  • Canada
  • Australie
  • Suisse
Catégories
Voiture, Nature, Région sauvage
  • 37,8kkilomètres parcourus
Moyens de transport
  • Vol27,9kkilomètres
  • Marcher-kilomètres
  • Randonnée-kilomètres
  • Bicyclette-kilomètres
  • Motocyclette-kilomètres
  • Tuk Tuk-kilomètres
  • Voiture-kilomètres
  • Train-kilomètres
  • Bus-kilomètres
  • Campeur-kilomètres
  • Caravane-kilomètres
  • 4x4-kilomètres
  • Nager-kilomètres
  • Pagayer/Ramer-kilomètres
  • Bateau à moteur-kilomètres
  • Voile-kilomètres
  • Péniche-kilomètres
  • Ferry-kilomètres
  • Bateau de croisière-kilomètres
  • Cheval-kilomètres
  • Ski-kilomètres
  • Auto-stop-kilomètres
  • Cable car-kilomètres
  • Hélicoptère-kilomètres
  • Pieds nus-kilomètres
  • 45empreintes
  • 47jours
  • 538photos
  • 83j’aime
S’abonnerCalendrierPartagerListe de choses à faire
Les plus anciens en premier
  • Australien & Kanada

    Uf de Jagd 🐳

    4 juin, Canada ⋅ ⛅ 19 °C

    Am Morge simmer gmüetlich go brunche im Hafe vo Victoria, ahschlüssend simmer denn de am Hafe entlang ume spaziert und hend eus bis am 13:30 Ziit vertriebe, will denn hemmer müesse parat sie fürs hütige Highlight, d’Waltour. Eusi Guides, d’Courtney, de Liam und de Captain Ed hend eus denn 1.5h lang richtig Süde und is US-Amerikanische Gwässer gfüehrt, wo ahschinend en guete Spot isch, zum Orcas und Wale gseh. Zum Glück isch Meer relativ Ruhig gsi und mir hend kei Problem mit Seechrank gha.
    Wo mer bi dem Spot ahcho,, hend die erste Orcas nöd lang uf sich warte lah bis sie sich zeigt hend!!😁 Courtney het eus denn no uf zwei jungi Orcas ufmerksam gmacht und erwähnt das mer die nöd so oft gseht, und da dra erkennt das sie so en Orange stich hend. Ein junge isch chli gwunderig gsi, und isch denn uf euses Boot zuegschwumme und wo er denn 1x under eus dure gschwumme isch, isch der denn zrugg zu sim Pod, so nennt mer eh Gruppe Orca.
    Nach ca 10 min isch sind denn no zwei Orca Männli uftaucht, die hend eh bis zu 2 Meter grossi Ruggeflosse, da dra chan mer die sehr guet vo de Wiibli underscheide wo eh viel chlineri hend. Nach ca. 30min hemmer denn die Bucht verlah und sind wieder richtig Victoria gfahre. S’meer het chli ufgraut und es isch eh recht holpprigi ahgelegeheit gsi🥴 Plötzlich hets denn ufs mal „WAAAL“ gheisse, und de Captain het eus no zu 5 Buckelwal 🐋 bracht! Da hemmer denn chöne zueluege wie die Wale, uf Fuetterjaggt sind. Da Vancouver Island im Normalfall eifach en Ort isch wo die Wale dure reised isch das es seltenes Szenario gsi und au eusi Guides sind ganz usem Hüüsli gsi.
    Will aber es paar us eusere Gruppe no en Flüger hend müesse verwütsche, het de Captain denn müsse frühnet losfahre weh eus lieb gsi isch.
    Trotzdem isches en mega schöne Usglug gsi und es isch ihdrücklich gsi die riisige Meerbewohner in echt gseh🐋
    Nach dem mer wieder feste Bode under de füess gha hend simmer no go Z‘nacht esse und hend die nächste Täg plant. Bim Z’nacht esse isch Tamara muetig gsi und sie het 7 Austere bstellt🦪 De Nico het denn gfunde, er will au no eini Probiere. Euses Fazit: Es isch eh sehr Salzigi ahglegeheit, und mir werdets eher nüme bstelle😅
    Zrugg im Hotel simmer sehr müed gsi und hends chum chöne abwarte zum go schlaffe    En savoir plus

    Voir la traduction
  • Australien & Kanada

    Schiff ahoi 🛥

    3 juin, Canada ⋅ 🌙 13 °C

    Am spaate Morge, nach chli usschlafe, hemmer euses Mietauto abgholt.
    Hüt hemmer eus if de Weg nach Vancouver Island und is Städli Victoria gmacht 🚙
    Für das simmer us Vancouver use und uf direktem Weg ufd Fähre. Scho die zweit uf eusere Reis😉
    De Ticketkauf, d'Überfahrt und d'Akunft in Victoria isch alles problemlos gloffe, nur dass Tamara het müsse feststelle, dass bim Flug irgendwie ihri Kamera muss us de Gepäckablag gheit sii, will alles verdreht und kaputt gsii isch🫠🫩
    Das het grad echli Nerve bruucht, vorallem will das Objektiv neu und alles andere wie billig gsii isch. Es git Hoffnig, das repariere lah, aber will das sini Ziit bruucht, muss das uf dehei verschobe werde....
    Zum Glück hets in Victoria aber en guet usgstattete Fotilade mit sehr fründlichem Personal gha, und sie het chene s'gliiche Objektiv namal kaufe. S'Fötele cha also wiiter gah📸
    Denn simmer is Hotel und scho bald go Znacht esse. Obwohl mer hüt gfühlt fast nüüt gmacht hend, isch de Tag uuuh schnell verbii gange😆
    Morn simmer denn wieder ready für es Abendtüür🚢📸    En savoir plus

    Voir la traduction
  • Australien & Kanada

    Wieder uf de Bei🚶‍♂️🚶‍♀️

    2 juin, Canada ⋅ ☀️ 17 °C

    Hüt hemmer 17½km gmacht💪🏻
    Und das allei im Stanley Park, und obwohl mer no uf e 1h Kutschetour, zogen vom Smith und Comet, gmacht hend. Aber mer hend e Uhr schöni Ziit gha!
    S'Wetter isch au endlich meh nach eusem Gschmack, Sunnig aber doch mit emene frische Windli🌬
    Eigentlich en perfekte Tag für en Spaziergang und so hemmer en au gnutzt. Mer sind bis zum Prospect Point wo mer en guege Blick uf d'Lions Gate Bridge hend🌁
    Am Abig simmer in alte Stadtteil Gastown zum go Znacht esse, wo e Uhr staht, wo 1977 erbaut worden isch und mir Dampf betriebe wird. Ziit git sie ned mir emene Glockeschlag, sondern mir emene Piff ah.
    Was au schön isch, jetzt wommer wieder im Summer sind, dass Sunne so lang bliibt🌇 Drum simmer au chli verwirrt gsii, dass scho nach em 8i gsii isch, wo mer us em Resti use sind, zum wieder is Hotel zrugg gah.
    Morn chömer denn euses Auto für die nexte 3 Wuche abhole und denn gahts wieder uf Tour!🗺🧭🏔🛣    En savoir plus

    Voir la traduction
  • Australien & Kanada

    1x Ziitreise 🕞

    1 juin, Canada ⋅ ☀️ 17 °C

    De Tagesbericht vo hüt heti au chöne „Siehtewechsel“ heisse, da mer vo de Südhalbchugle, zrugg uf Nordhalbchugle cho sind, wieder innerem Land sind wo mer uf de richtige Siite Autofahrt 💪🏻 und mir de Schwiizerziit nüme vorus, sondern hindedri sind. Aber chömed mer jetzt zum laaaaaange 1.Juni 2025:
    Am hütige Tag hemmer eus leider vo Australie müesse verabschiede. Das wunderschöne Land hets eus echt ahtah, und mir müed unbedingt nomal da hicho und die Sache mache wo mer us diverse Gründ nonig hend chöne mache!☺️ Vorallem das angebliche schöne Wetter gnüsse, wo mir echli verpasst hend🇦🇺
    Am Flughafe ahcho, hemmer denn Mietauto abgeh und es bitzli später denn Koffere. Euse Flug isch am 1.Juni am 10:00 gstartet. Mer hend denn ih guet 13.5h Flugduur, 11‘800 km zrugggleit und sind am 1. Juni am 6:30 in Vancouver glandet. 🤯
    Dur Flughafe-Kontrolle simmer denn zum Glück sehr schnell cho und au uf euses Gepäck hemmer nöd lang müesse warte. Mitem Taxi simmer denn richtig Hotel düset
    🚕💨💨
    Erstuhnlicherwiis isch euses Hotel Zimmer am Morge am halbi 8i, wo mer ihchecke hend welle, scho ready gsi und mir hend eusi 7 Sache chöne ablade. Nachere „churze“ Pause, ohni schlafe, simmer denn go Brunche. Ide nächi vo eusem Hotel liiet de Coal Harbor, dehte isch au euses Kaffi gsi. Wärend em Brunche, hemmer denn super Ussicht uf de Hafe vo Vancouver gha, und mir hend gseh dass immer wieder Wasserflugis startet und landet.
    Will mer eh gfunde hend, dass mer das au mal mache wend, hemmer eh 30min Rundflug buechet🛩️
    Pilotin het eus über Lions Gate Bridge 🌁 gfloge und denn hindere richtig Horseshoe Bay. Ahschlüssend hets denn no en Abstecher über Skyline vo Vancouver 🏙️ geh und denn sind die 30min au scho wieder ume gsi. Will er zu dem Ziitpunkt scho ca 26h am Stuck wach gsi sind, isch nüme viel Enegrie im Tank ume gsi isch, hemmer eus gmüetlich uf de Heiweg gmacht, und hend denn im Hotel glueget, dass mer erst gege die 7-8i am Abig ihpfused, damit eus scho chli ah die neu Ziit chönd gwöhne. 🥴    En savoir plus

    Voir la traduction
  • Australien & Kanada

    Pause 2.0

    31 mai, Australie ⋅ 🌧 17 °C

    Für eusen letzte Tag in Australie hemmer wieder de „Chill-Modus“ ine tah. Nach dem mer usgschlaffe hend, hemmer, wills wieder mal richtig schlechts Wetter isch🌧️, zemme Fernseh glueget und glese. 🤓🤓
    Will mer eh Waschmaschine ih eusem Zimmer hend, hemmer die Möglichkeit gnuzt und echli gwöschet.
    Am spätere Namittag simmer denn doch no use ah die frischi Luft, zum Znacht esse und UNO spiele.
    Zrugg im Hotel hemmer denn euse Koffer packt, damit mer für de morgig Flug uf Kanada ready sind🛫🇨🇦    En savoir plus

    Voir la traduction
  • Australien & Kanada

    Australische Busch zu Pferd🐎

    30 mai, Australie ⋅ 🌧 17 °C

    Am 05.15 hüt Morge isch Tagwach gsii! ⏰️
    Mer hend nämli für uf die 9ni en Usritt im Australische Busch buechet, und de isch no guet 2½ Stund vo eusem Hotel entfernt.
    Mer hend also s'Navi is Landesinnere grichtet und sind lösdüüst. Natürlich in Rege🌧
    Zerst hemmer no sorge gha, dass weg dem Wetter eusen Trip storniert wird aber nach emene Telefon mit de Guides, hemmer eusen Weg fortgesetzt. De Rege sett nämlich wiiter ad Küste zieh und eus grösstenteils verschohne.
    Au wenn die Strasse zum Stall hindere immer wilder und weniger Teerig worde sind, hemmers doch pünktlich gschafft, und mir sind au die einzige Gäst gsii hüt.
    De Peter und d'Gill hend eus denn passendi Helm geh und eus eusne Rössli für de Morge vorgestellt.
    De Nico het Missy und Tamara Snip riite, zwei super liebi Quarter Horse Stute. Die werdet im Western Stil gritte, also au eppis neus für Tamara🤠🐎
    Mit de Gill voruus, denn Tamara, Nico und Peter hemmer eus us de Arena ufgmacht ufs Land vo eusne beide Guides. Sie besitzet nämlich 2 Hektare hügeliges Buschland, wo sie Black Angus Küeh und ihri Ross haltet.
    Nach em Nico sim erste richtige Trab, hemmer denn au no s'Glück gha, en wilde Koala i de Bäum z'erspähe🔎 de het sich au weg em Rege uf sim Ast ganz zemegrollt und eus nume kurz aglueget, bis er wieder go pfuuse isch. Eusi Guides hend denn verzellt, dass sit sie das Land kauft und wieder meh Bäum pflanzt hend, d'Koalas au wieder zrugg cho sind. Au mal schön zghöre, wenn mer sust immer nur ghört wie sie Lebensruum verlüürrt!🤩
    Ihres Feehüüsli hemmer au entdeckt, wo mer hend müsse um de Baum ume, eusi Ross ahalte und Glocke lüüte, denn eus eppis vo de Fee wünsche🧚‍♀️ Zum de Tamara, will sie ja mit riite selber erfahrig het, e extra challenge geh, het sie das alles einhändig derfe mache 😉
    Drufabe hemmer eus no rasch trennt, denn het Tamara mit de Gill chöne es chlises Galöppli über d'Wiese mache, während dem de Nico mit em Peter schön im Schritt zum Treffpunkt gwanderet sind😁
    Eso isch eusen zwei Stunde Ritt au scho bald wieder verbii gsii. Es letzts Mal hemmer eusi neue Skills uf em Parkour mit Slalom bewiese, und denn hets gheisse abstiiege und Rössli kraule als Dankeschön🐴🥰
    Bi de Gill und em Peter hemmer eus au verabschiedet und bedankt für de schöni Ritt. Sehr empfehlenswert!
    Mir hend eus denn wieder is Auto ghöckt und sind namal ca 2½h zrugg nach Brisbane gfahre, wo mer eusen letzte Tag in Australie verbringe werdet.    En savoir plus

    Voir la traduction
  • Australien & Kanada
    131

    Crikey!🐊

    29 mai, Australie ⋅ ☁️ 21 °C

    Hüt hemmer eusen Tag im Australia Zoo verbracht, em dehei von berühmte Crocodile Hunter Steve Irwin🤠🐊
    Als ersts hemmer grad e Füetterig vom Sumatra Tiger miterlebt und debii no vieli interessanti Fakte zu dem Tier glernt, wie z.B dass es die chliinst Tigerart vo de Welt isch🐅
    Denn hemmer Zmittag besorgt und denn grad gmerkt, dass es scho bald Ziit für Kroki-Show isch. Die hemmer eus natürlich ned entgah lah🐊
    Au vieli anderi Tierli hemmer gsee wie die iheimische Koalas, wo mer eine hend am Fudi chli chene streichle😍🐨 verschiedeni Vögel, wie au Barking Owl wo ihren Name dur ihres "Schuhuu" verdient hend, wo chli wie en bellende Hund tönt🦉 und au Stars vo Australie hend ned derfe fehle!
    Vieli Kängurus chilled ih ihrem begehbarem Territorium und lönd sich durchus au es bitz streichle🦘
    Damit hemmer jetzt die grosse Bekannte vo Australie de Koala, Känguru und de Tasmanisch Tüüfel, all mal derfe echli streichele🤩

    De ufenthalt im Zoo isch schön gsii. Es isch cool zgsee dass fast 20 Jahr nach em Tod vom Steve Irwin sini Liideschaft zu allne Tierli und de Ufwänd wo betriebe werdet, zum sie erhalte, so fest am Lebe bliebe sind. Sis Vermächtnis vom Tier- und Arteschutz weltwiit bliibt immer no stark erhalten. Es Thema wo sehr wichtig isch und leider immer no für vieli Arte e starki Berohig isch...Drum hemmer umso lieber eus hüt über vieli Tierarte informiert und de Itritt für de Zoo zahlt, wo so liideschaftlich für eusi Tierwelt kämpft!    En savoir plus

    Voir la traduction
  • Australien & Kanada

    Endlich Sunne☀️

    28 mai, Australie ⋅ ☁️ 18 °C

    Als ersts hemmer mal eh Unterkunft ih de Nöchi vo Brisbane gsuecht, ah de Sunshine Coast, bitzli nördlich, hemmer denn öpis gfunde. Nachher hemmer eus direkt uf de Weg gmacht, ih eh Apothek zum für Tamara Medis poste.
    Ahschlüssend hemmer denn es herzigs Kafi gfunde ih de nöchi vonerem Strand, und will mer Hüt Temprature vo 24 Grad gha hend, het de Nico Badhose gschnapped und isch hurti is Meer gumped 🤿
    Nach dere herrliche Abchüelig hemmer eus denn uf de Weg nach Sunshine Coast gmacht. Hüt isches ahsträngend gsi uf de Strass, mer sind a es paare Baustelle und Unfäll verbii cho, und wie vo dr Gess akündet, hemmer müsse merke, dass Autofahrer im neue Territory Queensland, ned eso die beste sind. Abstand halte isch da nume en Mythos. Mir sind drum froh gsi wo mer nach 4h fahre im Hotel ahcho sind.
    Am Abig isch es de Tamara au scho viel besser gange, drum hemmer zemme Fernseh glueget und sind denn wieder früeh si Bett für euses morgige Abetüür☺️    En savoir plus

    Voir la traduction
  • Australien & Kanada

    BANANAA🍌

    27 mai, Australie ⋅ ☁️ 19 °C

    Hüt hemmer es letzts mal mit de Gess zmögelet, sie het eus Toast mit Vegimite gmacht, en spezielle Ufstrich vo Australie. De Ufstrich isch….sehr speziell gsi. Tamara het en aber gar nöd gern gha, drum het Gess denn ihre denn no nettereiis zwei Toast mit Butter geh. De Nico het sich aber dure Kämpft wie en Krieger, aber au er würds nüme welle neh😅
    Nach em Zmorge, hemmer denn au no de Gess bye bye müesse sege und sind mit schwerem Herze richtig Bayron Bay gfahre. Vo de Gess hemmer denn aber no de Tipp becho, dass mer underwegs „The Big Banana“ gönd go ahluege. Gesagt getan, wo mer ahcho sind, simmer es bitz enttüscht gsi, da mer eus die Banane es bitzli grösser vorgstellt hend🫤 de Banana Milkshake isch aber doch lohnenswert gsii☺️
    Churz vor Bayron Bay hemmer denn no „The Big Prawn“ gseh, eh grossi Garnele, die hingege isch denn wieder riiisig gsi🤯
    Am Abig hemmer denn nüme viel gmacht, da Tamara eh Verkältog ihgfange het und de ganz Tag scho nöd würkli het möge simmer denn au früeh go schlaffe.    En savoir plus

    Voir la traduction
  • Australien & Kanada

    En Tag mit Fründe🫂

    26 mai, Australie ⋅ ☁️ 20 °C

    Hüt hemmer chöne Usschlafe. Leanne het eus denn Abghollt und mir sind ih eh Bäckerei und hend Meatpie, Cremeschnitte und no anderi Gebäck gholt wo mer später am Tag denn chönd probiere.
    Ahschlüssend simmer zrugg zum Strand wo mer chan Kamelriite, leider sind Kamel hüt ebefalls nöd am Strand gsi🫤 Nach dere enttüschig hemmer eus nomal uf de Weg zum Sea Acers Regewald Center ide Hoffnig dass es hüt offe het… aber au da simmer wieder vor gschlossene Tüüre gstande☹️. Also het eus Leanne an Strand gfahre und hend denn dehte eusi Cremmeschnitte und Co probiert. Am Strand wärend em esse hemmer denn Bsuech vonerem Buntwaran becho, wo ebefalls en Snack gsuecht, und au gfunde het🫣
    Nachdem mer eus mit de feine Gebäck voll gesse hend simmer es bitz userhalb vo Port Macquarie mit de Gess ih es grosses Labyrinth. Dete hemmer zerst zu zwei Ussichttürm müesse sueche und denn de Usgang. Unterwegs hets denn no Bonusufgabe geh, wo mer 3 Drache und 3 Einhörner hend müesse finde. Dank eusem super Teamwork, hemmer eus guet gschlage und sind tifig dur das Labyrinth dure cho. Bevors denn Znacht geh het, simmer zrugg zu de Gess und hend eh obligatorischi Rundi Uno gspielt.
    Znacht hemmer mit em Ian, de Leanne, em Brad und mit de Gess gha, es het Fish and Chips geh.
    Wo mer denn fertig gesse hend hets denn leider scho gli gheisse bye Leanne, bye Ian und bye Brad. Es sind zwei mega netti Tag gsii mit de fründlichste Lüüt, wo eus ohni wenn und aber umsorgt hend. Mer werdet sie definitv au chli vermisse!
    Zrugg bi de Gess hemmer denn en gmüetliche Abig gha und hend viel gschwätz und no viel meh glachet☺️    En savoir plus

    Voir la traduction