Mérida

buenos días 🌞

hüt am Morge/Mittag si mr nach ere 3 stündige Fahrt z’Merida ahcho. I ha mi sehr uf Merida gfröit wüu’s mr mehrmals isch empfohle worde & tbh es isch oh sehr cool gsi.

Aber, eh Grossstadt bi 35 Grad und 100% Luftfüechtigkeit isch eif so semi hahaha. + hei si eigentlech z’Herzstück vo Mérida, d’Plaza Mayor eif komplett ufgrisse und si se am renoviere 😭😭 macht irgendwo Sinn ds ir Nebesaison z’mache aber i bi so truurig gsi :((

Anyway mir si ner i ned sehr herzigs Kaffi ghocket zum luege was mr wei mache & ner eifach chli umespaziert, bevor mr ner im Hotel chli si gah usruhie. Stichwort Hotel: sehr weirdi vibes. I ha es Einzelzimmer gha und es het usgseh wie eh Gfängniszelle, mini Eltere es Zimmer wiiter weg.

Am Aabe si mr ner no fancy gah esse und eppis gah trinke (absolut zerstört worde vo de Mugge 🦟🦗🦟🦗🦟).

Ir Nacht chumi nomal uf z’Stichwort Hotel: Epper het eifach ah mim Zimmer gchlopft am 01.00 ir Nacht. I ha gloub no nie i mim Lebe so viel Schiss gha. Er het gseit er sig d’Rezeption aber nid meh, huere liisli gchlopfet also nid so als wär’s eh Notfall. I ha mi eif dumm gstellt und so tah als hättis nid ghört aber i ha würklech Angst um mis Lebe gha, wüu i ds Hotel hätt jede eifach chönne ineloufe + weird vibes. I lüte konstant mine Eltere ah aber die ghöres nid, das eppe eh halbstund, bis sis endlech ghöre. Turns out es isch würklech dr Typ vor Rezeption gsi wo het wölle sege ds üsi Autoliechter anne si…… ja bro. de chlopf doch oh no am 2te Zimmer???? Anyway, sehr scheisse gschlafe und so semi Erinnerige ah Merida, obwohls eig schön isch 🤷🏻‍♀️Read more