Reset search
aannasuaannasu
Satellite
 
Message

aannasu

Joined March 2019 Message
  • Schwiiz-Holland retour
    Day11

    Europapark & back home

     September 11, 2021 in Germany ⋅ ⛅ 21 °C

    Nachere erholsame Nacht im Pod simmer ca am 11i no gschwind s chline Döfli Esch-Sauer go aluege und sind denn abgfahre richtig Rust. D Fahrt isch zimmlich ereignislos verloffe, au ohni Problem wieder ueber d Grenze. Mer hend ca am 6i is Hotel La Mirabella iicheckt und sind churz chli aneglehe. Ca am 8i simmer fein bimene Italiener go esse und denn wieder zrugg is Hotel. Hüt simmer am morge schnell go zmorge esse im Hotel, hend uscheckt und sind zum Europapark gfahre. Det hemmer denn uf verschiedene Bahne und mit diverse nöd unbedingt gsunde esse die nögste ca 6ehalb stund verbracht. Denn hemmer die 2 stund fahrt vo Rust uf Horge bzw Thalwil uf eus gno.
    S sind sicher nöd die erholsamste Ferie gsi, womer jemals gmacht hend😅, aber sisch mega schön gsi mit seehr villne Erlebnis und Sache womer gse hend. Chönd dt Ort womer gsi sind nur empfehle! 😊    Read more

    See translation
     
  • Schwiiz-Holland retour
    Day9

    Im Pod in Bissen

     September 9, 2021 in Luxembourg ⋅ ☁️ 17 °C

    Hütt hemmer eus am morge je mit me farmer gstärkt, alles zemmepackt & sind ca am 10.15 abgfahre. uf de fahrt hets denn no es chlises kriiseli geh, will mer d chüeltäsche im middelburg ufem campingplatz vergesse hend & somit alli schoggi-mitbringsel us brügge flöte sind😣(sorry jan). In Dinant hemmer ghalte, es herzigs dörfli in belgie, wos epis zmittag geh het. En croque monsieur, e quiche und e waffle spöter und nachdem mer eusi verlorne ichäuf us de chüeltäsche wieder ersetzt hend simmer wiiter gfahre. In Bissen ufem campingplatz acho hemmer gfrögt, öb mer statt en zeltplatz au en pod, es chlises hüsli mit zwei bettli und me mini herd döfted ha. eigentlich hets online gheisse, all seged bsetzt, aber ueberraschenderwiis hets doch no eine frei gha & mer hend eus döfe iiquartiere. mer sind froh, will s sött die nacht (zum erste mal uf eusem reisli) regne. de alain het nachli chönne go fische & iich bändeli mache, und jetzt liggemer grad vom znacht (nachos mit bohne, chäs, broccoli, peperoni und me vom alain gfangne fisch!) erschlage im warme bettli. mega schön da!Read more

    See translation
     
  • Schwiiz-Holland retour
    Day8

    Sunset in Middelburg

     September 8, 2021 in the Netherlands ⋅ ☀️ 23 °C

    In Brügge simmer nachem Znacht mitem Velo bi scho liechter Sunneuntergangsstimmig zum Auto zrugg gfahre, womer am morge scho fertig packt hend. Dt Velos hemmer wieder iiglade & sind abgfahre uf Middelburg. Nach ca einehalb Stund Fahrt mit nur eim chline Stau und mega schönem Sunneuntergang simmer wos scho dunkel gsi isch ufem campingplatz acho und sind zimlich glii go schlafe. Hüt hemmer am morge mal müse wösch mache (mer hend beidi kei underhose & libli me gha) und hend eus drum erst spöter, womer d wöschmaschine abgwarted hend und alles sehr kreativ uf eusem tisch & stüeli ufghänkt hend, mit de velos ufde weg uf middelburg gmacht. Mer hend mega feini scones zum spate zmorge gesse & sind nachher zimlich eifach druflos gloffe, chrüz und quer durch middelburg. hend es paar sehr schöni lädeli entdeckt, wieder mal guet gesse und sehr vill herzigi strässli ahgluegt. Am spate namittag simmer zrugg zum campingplatz, hend freud gha das eusi improvisierte wöschständer ghebt hend & nuet abegheit isch, hend eus umzoge und churz die campingplatz-eigene meersäuli und häsli gfüeteret😍. Denn simmer mitem auto as meer gfahre. Mer sind rechtzitig fürd sunneuntergangsstimmig det gsi, sind no churz is wasser und denn ines resti am strand go esse. Mega schön & au mega fein gsi!Read more

    See translation
     
  • Schwiiz-Holland retour
    Day7

    When in Bruges…

     September 7, 2021 in Belgium ⋅ ☀️ 27 °C

    In Luxemburg simmer am 6. september no im kafi bloom go zmörgele, sehr fein gsi, und denn simmer zimmlich genau am 10i ufem weg gsi richtig Brügge. Wieder simmer über d Grenze ohni öppis z zeige & au sust ohni problem. D fahrt het sich denn allerdings nochli usezoge wege stau & isch allgemein recht ahstrengend gsi weg de villne autos. öppe am 2 simmer da ufem camping ide nöchi vo brügge acho, hend wieder mal euses zelt (übrigens mal no es grosses dankeschön an jan da a dere stell, mer bringed der es belgischs schöggeli hei) anetschüttelet, eusi velos zemegschruubt und sind uf Brügge gfahre. S gfallt eus beidne mega guet und mer hend mitem velo au scho es paar sache im verbifahre chöne aluege & en iidruck vo dere sehr schöne stadt günne. Mer hend es bootsfährtli ufem kanal gmacht, belgischi pommes probiert, d notre dame bestuunt (was isch eigentlich los, überall notre-dames) und sind ufde belfort vo brügge ufe zum d ussicht gnüsse. znacht hets penne mit tomatesose geh.
    Am 7. september simmer bimene super beck öppis zmorge go hole. Kei ahnig, wie das womer gesse hend gheisse het, aber sisch top gsi. Denn simmer it notre-dame, it st salvatore kathedrale und wieder zum marktplatz womer dt velos abgstellt hend. Mer sind nochli umespaziert, ines paar chlini lädeli und hend denn im waffle house je e waffle gesse. seeeehr fein gsi. Jetzt simmer grad mit de velos zum Minnewaterpark gfahre, womer es chlises päuseli mached.    Read more

    See translation
    Margrit Suter

    Sali Anna + Alain es gfallt mer was ihr mir zeiget + i wünsche eu na witer schöni reis. Lg grüess grossmami Margrit

    9/7/21Reply
     
  • Schwiiz-Holland retour
    Day5

    Ufe und abe in Luxemburg

     September 5, 2021 in Luxembourg ⋅ ⛅ 21 °C

    Am 5. september hets wie scho erwähnt um coffee fellows für eus beidi es teeli geh, denn simmer überd Adolfsbrücke zude Cathedrale Notre-Dame es cherzli go ahzünde (cherzli nummere 3 die ferie 😊) und sind denn chli im Shopping-Viertel umegschlenderet. Da sunntig gsi isch, het leider alles zue gha, drum kei lädele für eus. nachem blockfels (ussicht) und em kontad café & bar (hunger!) simmer mitem (GRATIS) tram zude philharmonie Luxemburg. dete simmer is musée d’arte moderne. het eus beidi nöd eso usde söckli ghaue, sind drum au nöd eso lang blibe. mer sind ade fort Thüngen verbi gloffe, wo eigentlich wahrschindlich na spannend gsii wer, aber will mer kei lust me gha hend nachem enttüschende museum ine z gah hemmers sii gla und nur vo usse bestuunt. mer sind de obergrünewald durab gloffe und de alzette entlang bis Grund gloffe. uf de andere site wieder duruf simmer id bar de gudde wellen öppis go trinke. Ade mini-chilbi hemmer no e waffle gesse, sehr fein gsi. mer sind unter de adolfbrücke wieder zrugg, det het mer e besseri ussicht uf de Grund. denn simmer zrugg is hotel und hend eus es zitli spöter ufde weg gmacht is restaurant bosso go znacht esse.Read more

    See translation
     
  • Schwiiz-Holland retour
    Day5

    Ahoi Luxemburg

     September 5, 2021 in Luxembourg ⋅ ☀️ 18 °C

    Am 4. september am morge simmer nomal is zentrum gfahre zum go zmorge esse. eigentlich hemmer no welle ufd notre dame de strasbourg ufe aber will ich mis handy und somit s impf zertifikat im auto ufem camping platz vergesse han, hemmer de programmpunkt wieder müse kippe. Mer hend denn nomal es paar chlini iidrück vo strasbourg gsammlet und sind punkt 12i usem camping use gfahre richtig luxemburg. unterwegs simmer nomal in decatlon, wie choennts au anderst sii, und nomal öppis go esse. In luxemburg am namittag acho hemmer im hotel iicheckt, euses gepäck platziert, s auto für die nögste 2 täg imene parkhus abgstellt und denn no es mini ründeli dur luxemburg gmacht. glii hemmer wieder hunger gha und will de alain scho lang entdeckt gha het, das es en five guys da git, isch de znacht eigentlich au scho lang festgleit gsi. mer hend gmüetlich znacht gesse, sind nomal zum auto paar sache go hole und denn is hotel, womer gli sind go schlafe. jetzt sitzemer wieder imene kafi und mached eus nachher uf de weg, luxemburg z erkunde.Read more

    See translation

    Freu mi schaurig über eui Bricht😀 [Büli-Grossmami]

    9/5/21Reply
     
  • Schwiiz-Holland retour
    Day3

    16699 Schritt in Strasbourg

     September 3, 2021 in France ⋅ 🌙 18 °C

    Nachere sehr chalte nacht hemmer am morge vom 3. september zerst es warms düscheli brucht. De alain heti schier no sini id, bankkarte ect verlore wo denn aber zum glück vomene sehr nette mitarbeiter vom camping platz zrugg bracht worde sind. Er het sich s eine oder s ander witzli drüber, das de alain ALL sini charte verlore het, debi noed choene verkneife (absolut fair). Denn hemmer eus mit de velos ufde weg gmacht. mer hends bim place saint-thomas abgstellt und sind is coffee stub go zmorge esse. Mer hend dt église st paul, de palace de rhin und dt cathédrale notre dame de strasbourg agluegt. Mer sind inen vintage store, glacé stand, bagel resti, gschirr lade und ade grande rue sust nochli go lädele. zwüschedure hemmer no de kleberplatz und d Ill (mehrmals) beehrt und sind zum schluss no ufd barrage vauban ufe. Denn simmer langsam chli kaputt gsi & zrugg zum camping platz es bitzli go sünnele und de morgig tag go plane. Jetzt simmer grad im resti, nachdems leider i dem womer hend welle gah wos anschinend de best flammchueche git kei platz gha het 😟 gits ez e feini pizza. au guet! morn gahts wiiter richtig luxemburg 😍Read more

    See translation

    Gueti Reis, hebed Sorg und Alain: guet ufs Portmonee ifpasse!🤗😘❤️ [Büli-Grossmami]

    9/4/21Reply
     
  • Schwiiz-Holland retour
    Day2

    Eguisheim & acho in Strasbourg

     September 2, 2021 in France ⋅ 🌙 19 °C
    1

    Am 1. september simmer umde mittag ume uf euses chline reisli gstartet. Als ersts hämmer bide mövepick raststett würenlos müse zmittag ässe. Über die französisch Grenze simmer ohni Problem, hend nüt müse zeige, und bevor mer uf euse campingplatz in Eguisheim sind, simmer no s dörfli kaysersburg go aluege. denn hemmer ufem camping platz « les trois chateaux » euses Zelt « anegschosse » und sind nachher Eguisheim go aluege. Öppe am 7i hets Mini-Hotdogs zum znacht geh und nachdem mer cheggt hend was mer alles vergesse hend (zb seife und schwamm zum abwäsche 🙄) simmer früe is bett.
    Am 2. september simmer denn am 7.30 ufgwacht (mer glaubts chum) und sind in Eguisheim go zmorge hole. Nachem esse hemmer eus ufde weg gmacht richtig Strasbourg.
    Unterwegs hemmer no im Decatlon ghaltet (besseri Matraze, es lämpli für is Zelt, es stüeli), in Ribeauville s herzige dörfli und dt Hohkönigsburg agluegt. In Strasbourg ufem camping indigo strasbourg hemmer wieder s zelt ufgstellt und sind mit de velos nochli is zentrum gfahre. Es glacé und es paar iichäuf (seife🙄) spöter simmer wieder am chöchele gsi, pasta mit tofu, peperoni und broccoli. Jetzt gits denn endlich es richtigs abwäsche und nachher gömmer sicher wieder bezite go schlafe. Sehr schön da!    Read more

    See translation

    beste zelt wos git 😍🔥 [Jan]

    9/4/21Reply
     
  • Mexiko-Kuba-Hawaii
    Day92

    Heicho heicho heicho grad jetzt 7-9 Juli

     July 9, 2019 in Germany ⋅ ⛅ 16 °C

    7 Juli
    Ufgstande, check in mache, merke dasmer zersch no es visum für Kanada bruched, brüelle, notfall eis beaträge wo grad per mail cho isch, erliechteret i checke.

    Nachher hemmer fertig packt alles is auto gruumt & sind an beach. Det simmer chli verfuult, s het no geile zmorge ge (waffle, avocado brötli, egg benedict) und zmittag/znacht (mahi burger, quesadillas), denn simmer gos mietauto abgeh und sind 3h zfrüe am flughafe gsii. Nach bag drop und security check het nomal gheisse warte. Denn hemmer de ca 6h flug uf vancouver uf eus gno.

    8. Juli
    Glandet in Vancouver. Gepäck abgholt und eppis go esse. Den hemmer no 4h müsse todschlah bis check in. Stattesse sind mir eifach tod gschlage go penne. Bim check gfregt ebmer de koffer grad uf ZRH chend wiiter schicke. Positiv. Dt chance dasmer de flug schaffed sind guet. Pizza esse und ab is flugi. 9h 20 min hocke. Göttlicher wiis hets gnueg platz dasich chan ligge wases sehr vil agnehmer macht mit rugge weh🔥

    9. Juli
    Achoo in Frankfurt! Nomal churz durt sicherheitskontrolle & denn zum gate. Denn hemmer bald is flugi chönne & sind nach ere knappe stund flüge denn endlich z Züri glandet. Jetzt laufemer use & gsend all wieder 😍
    Anna isch safe & happy dehei. & die andere drü natürli au.😊
    schön wars♥️    Read more

    See translation
     

Join us:

FindPenguins for iOSFindPenguins for Android

  • 2022© FindPenguins
  • Home
  • About Us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Imprint
  • English