Dyreparken🐾

Dr Dyrepark😃 es isch ging wider toll, u d Miuchshakes si oh immerno dr wahnsinn, aber d App derzue oh🙈

Womer bim Dyrepark si acho heimer d Tickets kouft üs grad mitem Kaspar troffe, eh stung bevorer het müesse afa schaffe.
De simer zäme vo Tier zu Tier glofe u woner het müesse ga schaffe heimer üs nid verabschidet sondern är het üs si Plan zeig was är muess mache u gmeint mir schribe üs. U am 7ni giter no eh Füehrig inklusive Ässe, bim Ässe müessemer warte aber fürd Füehrig söue mr üs eifach hinger ahschliesse.
Bis dahin simer gmüetlech düre Park gschländeret, hei üs eh Miuchshake inepfiffe u chli Tierli gluegt.
Irgentwen heimer üs drum da wäg dr Füehrig wenn u wo mr ane müesse, wüu dr Park duet am 7ni zue aber d Füehrig faht ersch den ah.
De simer öbis vor de 7ni mau richtig Startpunkt bim Luchsgheg glofe u hei dert ohscho dr Kasper troffe.
Nachere churze ifüehrig bide Lüchs vo ihm u sim kolleg Frederik si d lüt ga ässe u mir hei i dere zit zit gha mitem Kasper z plöiderle😊
Wo d lüt ferdi si gsi mit ässe ischs mit dr Füehrig losgange, ih u dr Dänu hei füre Kaspar chli Videos u Fotos gmacht 📸
Nach de Lüchs ischs zum Vielfrass gange, zu de Wöuf grad näbedra, de witer zude Euche u danach no bide Otter verbi u am schluss no zude Kameu wome se no het chönne füettere mit Heu😁
Es isch aues zäme mega toll gsi😊
Ou nach dr füehrig womer no es stückli mitem Frederik u Kaspar si düre Zoo glofe ufem rückwäg heimers no richtig lustig gha.

Was fürnes erläbniss😃
U es het üs risig gfröit dr Kasper wider z gse😊Read more