Lake District☀️

Die letschte paar Täg hemmer im Lake District verbrocht. Bi de Akonft no bewölkt, heds de aber gäge Obe scho schön ufto🌅. Am zwöite Tag semmer noch Boot gfahre ufne National Trust Campsite. Inmette vo Grüen ond emene Bach. Chum semmer do acho, esch au d Sonne emmer meh vöre cho.
Mer hend en chorzi aber sehr schöni Rondwanderig gmacht. Verbi cho amene Bärgseeli hemmer onde im Tal en Dampflocki ghört🚂.
Am drette Tag hed sech de Andy gwönscht au met dere Dampflocki go z Fahre😁. Mer send denn metem Zögli dörs Lake District bis uf Ravenglass gfahre ond zrog met de Velos bi super Wätter.
De Nomitag hemmer bim Sönnele ufem Camping gnosse☀️🤗.Read more