Inverness & Bootsfahrt

Nachem gestrige lange tag hämmer höt uusgschlofe ond send denne gäge vormettag is städtli. Chorz semmer is museum öber d gschecht vo de schottische highlands & in victorian market, en art mini-mall usem viktorianische ziitalter. Nachem brot-hummus-tomätli zmettag (de klassiker i dene ferie) am flüssli semmer rechtig hafe. Det hämmer e delfin-tour buechet. Leider send d bedingige eher ongönschtig gsii ond so hämmer leider kei delfin gseh. D bootstour a sech esch aber scho es abentüür gsii. Es het mega gwendet ond grossi wälle gha, ond mer händ ois wie ofere wildwasserbahn gfüehlt, nor ofeme ächte boot ofem ächte meer. Dank oisem erfahrene guide hämmer ois aber trotzdem rächt secher gfüehlt ond ich glaub, de kevin het de spass vo sim läbe gha of dem böötli.Leia mais