Nulstil søgning
Japan
  • Delia Kunz
  • Kevin Sarantidis
Nuværende
  • Delia Kunz
  • Kevin Sarantidis

Japan

Et 16-dags eventyr af Delia & Kevin Læs mere
FølgOversigtOversigtKalenderKalenderBillederBillederDelDelTræskoliste
OversigtKalenderBilleder
  • I øjeblikket i
    🇯🇵 Nago, Japan
    Japan

    Beach? No, military!

    3 timer siden, Japan ⋅ ☁️ 31 °C

    De letschti tag in okinawa hämmer im norde vo de insle verbrocht, bim cape hedo & händ d klippeomgäbig bewonderet. Womer ois nachher uuf zome strand gmacht händ, hämmer ois chli vererrt ond send statt bim strand bineme militär stützpunkt glandet. En maa in uniform het ois denne de rechtigi wäg zom strand erchlärt het & het e riiese freud gha, das mer us de schwiiz send ond het verzellt, das er vor 30 johr mol i de schwiiz gsii esch ond d chappelebrugg ond eiger, mönch, jungfrau gseh het. So esches denne doch no e ganz nätti begägnig gsii.
    De obe hämmer nomol met mangosaft & sonneontergang bi de kouri bridge am meer verbrocht    Læs mere

    Se oversættelse
  • Japan

    Es kapotts schloss & strand

    24. juli, Japan ⋅ ☁️ 32 °C

    Am morge semmer zo de Nakijin Castle Ruins ond händ öppis öber d ryuku-gschecht in okinawa glernt. Da s einisch im 15. ond einisch im 17. Johrhondert brönnt het, esch tatsächlech nömme vell öbrig gsii vo dem ehemals prächtige schloss.
    Nachher esch de (eigentlech erschti die ferie) chliini fail passiert; mer send äxtra 30 minute zome vegane bento resti gfahre, womer aacho send hämmer ersch gmerkt, dasmer nome cash cha zahle ond de geldautomat det het ned funktioniert. Mer händs beschte druus welle mache ond send i ne nöch glägnigi ananas farm. Det hämmer aber ewig müesse aastoh, zom of sonen ananas-zug chönne & de honger, d hitz, luuti musig & s chindergschrei händ ois grad no de räscht geh. Nachher hättemer nomol müesse aastoh för in park, ond denne hämmer beschlosse, eifach es paar onigiri im kombini hole. Am emerald beach hämmer denne die böse ananasgeischter hender ois gloh ond send am obe no chli in rueh a oisem privatsträndli ghocket ond händ d chräbsli beobachtet.    Læs mere

    Se oversættelse
  • Japan
    31

    Ganz vell pflänzli

    23. juli, Japan ⋅ ⛅ 32 °C

    Nachdem mer am morge as cape manzamo gfahre send (ort met schöner ussecht), hämmer bim bsuech vom southeast botanical garden näbe geisse, äntli & enere riesige spinne - wiemer sech velech chan dänke - ganz vell pflänzli gseh. So pflanze, wo mer dehei müehsam als zimmerpflanze halted, wachsed do eifach frei. Denoh semmer nomol an strand, öpper het sogar en Shamisen (sone japanischi laute) gspelt & es esch rechtig gmüetlechs inselfeeling gsii. Schliesslech semmer no ofe sunset kayaktour ofem Hija River & händ so de tag uusklenge loh.Læs mere

    Se oversættelse
  • Japan
    2

    I'm not a beach person

    22. juli, Japan ⋅ 🌙 28 °C

    De tag het gmüetlech sölle werde & esch gmüetlech worde. Metem mietauto semmer of die 2km langi brogg zo de kouri island gfahre ond händ de nomitag am strand verbrocht. Mer händ ganz vell eisiedlerchräbsli gseh ond am obe sogar floghönd!
    'I'm not a beach person, it's a waste of time' het öbrigens öpper näbe ois am kouri beach gseit & i dem kontext hämmers so loschtig gfonde, dasmers do händ welle ehre.    Læs mere

    Se oversættelse
  • Japan
    4

    Was wird

    21. juli, Japan ⋅ 🌙 27 °C

    En lange reisetag liit hender ois, deför semmer metme wonderschöne sonneontergang ond denach sternehemmel in okinawa begrüesst worde (& ere kakerlake im AirBnB, de Kevin het sie aber wagemuetig wiener esch gekonnt use verfrachtet - sösch esches sehr schön). Gekonnt hämmer au de linksverchehr gmeischteret & jetz semmer müed & spot im BnB aacho. Mer händ sogar en Strand vorem BnB aber de hämmer noni bi tagesliecht gseh & mer sött det ned onbedengt goh bade wels lebensbedrohlech (!) giftigi würfelqualle get... Morn erkondet mer mol chli d insle & lueged was wird....was wird.Læs mere

    Se oversættelse
  • Japan
    44

    Teezeremonie & Mut zur Lücke

    20. juli, Japan ⋅ 🌙 30 °C

    Höt hämmer ois zome tagesuusflog nach Kanazawa uufgmacht. Das städtli esch bekannt för sini teekultur & geishas (mer händ sogar 2 gseh omelaufe!) Mer send zersch chli dors higashi-chaya viertel gschlenderet ond händ ois ineme teehüüsli abküehlt ond dango, japanischi süessigkeite gässe. Wiitergange eschs in Kenroku-en Garte, wo au als schönschte garte vo japan bezeichnet werd. Dete hämmer anere teezeremonie döffe teilneh ond zo oisem erstuune feschtgschtellt, das sogar d delia gern matcha het, wener rechtig zuebereitet werd. Die teezeremonie esch velech sogar oises highlight gsii bes jetz vo de reis. Nacheme spaziergang zom schrein & dor d kanazawa burg send oisi energetische ressource trotz matcha chli aazapft gsii, drom hämmer beschlosse, s samuraiviertel ossezloh, da mer so eis jo scho gseh händ, ond ruehed ois no chli uus för de morgigi reisetag.Læs mere

    Se oversættelse
  • Japan
    2

    Buddha & Sommerfestival

    19. juli, Japan ⋅ 🌙 29 °C

    De hötigi tag het metme oosflog zom Eiheiji Tempel aagfange, eme buddhistische Soto-Zen Tempel usem 13. Johrhondert, wo au jetze emmer no in betrieb esch ond mönche läbed. Es esch sehr iidröcklech gsii met all dene uralte statue ond schriftrollene ond mer händ sogar binere zeremonie vo de mönche döffe zueluege (aber ned fötele, drom kei uufnahme vo det)
    Do mer metbecho händ, das im Nochbersdörfli Awara Onsen grad es sommerfestival stattfendet, semmer gäge obe det ane ond händ ois de Omzog aagluegt. Es esch rächt iiheimisch gsii & mer send scho betzli uufgfalle, aber esch es spannends erläbnis gsii (wahrschiinlech esch das öppe, wie wemer als tourischt*in ad meitlitäg omzög in meisterschwande goht)    Læs mere

    Se oversættelse
  • Japan
    2

    Findet Kevin

    18. juli, Japan ⋅ ⛅ 31 °C

    Ond, wer het en gfonde (ofem erschte beld)? Det semmer grad in ichijodani gsii, wos en rekonstruktion vonere samuraistadt get. Det hämmer au no die alte ruine vom asakura clan chönne aaluege. Osserdem hämmer sehr vell kois gseh & roti pandas & affe! De nishiyama park esch nämlech bekannt för sini rote pandas, leider esches denne doch eher en zoo als park gsii. Goh znacht ässe semmer inere rechtige japanische spunte, wo dröber grätslet worde esch, wieso mer als osländischi touris of fukui cho send ("Go to Tokyo" - oises Argumänt, dasmer grad vo det chömed, het ned zellt - "Then go to Osaka" - dasmer no of Okinawa gönd, het en denne aber weder besänftigt - "Okinawa is good")Læs mere

    Se oversættelse
  • Japan
    2

    Manga & Shinkansen

    17. juli, Japan ⋅ ☁️ 27 °C

    Im Kevin sini Tröim send in Erföllig gange: bim Bsuech vom Akihabara District, Epizentrum vo Anime, Manga & Elektronik, hämmer d Mangaläde abklapperet, bevor mer metem Shinkansen (dem ultra schnellzog) Tokyo hender ois gloh händ. Im Zog hämmer denne Ekiben gässe, das send so bento böxli wos a de Shinkansen Gleis verchaufed met ässe wo ned brösmelet, ned luut esch bim ässe ond ned starch schmöckt, wels sösch ned so gern gseh werd wemer luut redet/telefoniert oder esst im Zog. Drom eschs e sehr ruhigi ond fredlechi fahrt gsii verbii a riisfälder ond grüene högel. In Fukui - d hauptstadt vo de dinosaurier - hämmer oises Gepäck in Empfang gnoh (es get en kofferversand service bi de meischte hotels, was sehr praktisch esch) ond send denne früeh goh ässe, wel die japanische portiönli för ois hongrigi europäer*inne meischtens echli z'wenig send. Nacheme erschte spaziergang dor fukui eschs denne för de kevin no is onsen bad im hotel ond för d delia is bett gange 💤Læs mere

    Se oversættelse
  • Japan
    2
    2

    Tokyo

    16. juli, Japan ⋅ ⛅ 30 °C

    Als erschts semmer höt uufbroche is Shinjuku District, womer de Shinjuku Gyoen Park metme traditionelle japanische Garte bewonderet ond denne Onigiri zom zmettag gässe händ. Nachem chorze Bsuech vo de Iichaufsstross met Abchüehle im Uniqlo/ime Kafi semmer no chorz zom Meiji-Schrein. Nachem erneute abchüehle im hotelzemmer vo Deliasiite ond Abklappere vo Büecher-/Mangaläde Kevinsiite hämmer eigentlech ofe Uussechtsplattform welle, womer defor gstande send hämmer aber leider gseh das sie wäge Bouarbeite gschlosse het. So hämmer eifach no es meega feins japanisches curry zom znacht gha ond lönd de obe ofem hoteldach uusklenge.Læs mere

    Se oversættelse
  • Japan
    2

    Stadt, Land, See

    15. juli, Japan ⋅ ☁️ 28 °C

    Nacheme lange schlöfli eschs höt metem Bus zom Mt. Fuji gange. Es söl Glöck brenge, of de Berg uez'chlädere & de Sonneuufgang luege, heissts. Ufechlätteret semmer zwar ned, aber mer hoffed, es betzli vom Mt. Fuji-Glöck färbt au so of ois ab. Vom ruhige Kawaguchiko See semmer zom Chureito Pagoda gwanderet (besser gseit, spontan de zog gnoh wels z'heiss gsii esch), womer ned ganz die einzige gsii send, wiemer of de Belder velech cha erchenne. Ned ganz die einzige semmer spöter au zrogg in Tokyo gsii - nacheme Z'nacht im Shibuya District semmer öber die bekannti Alle-Gehen-Kreuzung zrogg is Hotel & do mer euch die Reizöberfluetig ned wänd vorenthalte, postemer do no es Video dezue.Læs mere

    Se oversættelse
  • Japan

    Fauna & Sauna

    14. juli, Japan ⋅ ☁️ 32 °C

    Nacheme 13stonde flog semmer ändlech in Tokyo aacho. Alles het super fonktioniert ond mer send zfrede aber todmüed am hotel aacho. Zom chli wach bliibe hets en erschte rondgang dord stadt geh womer spannendi snacks im 7/11 bestuunt händ ond im erschtbeschte Restaurant die velech beschte Ramen je gässe händ. No en bsuech vomene park met vell pflanze, bevor ois denne d hitz & d müedigkeit z'fescht zuegsetzt het & mer früeh gönd goh schlofe 💤Læs mere

    Se oversættelse
    Start på rejsen
    13. juli 2026