Reimposta ricerca
DomRep may 2026
  • Letizia Garrapa
  • ..iiLee..
  • Letizia Garrapa
  • ..iiLee..

DomRep may 2026

Das gewünschte Geburi Geschenk von Ilee 🤙😎 Leggi altro
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
PanoramicaCalendarioFotografie
  • Inizio del viaggio
    9 maggio 2026
    DomRep may 2026

    Ankunft und erste Nacht in Santo Domingo

    9–10 mag, Repubblica Dominicana ⋅ ☀️ 30 °C

    Hüt hämr endlich langersehnti Reis id Demrep dörfe ahträttä..
    Nachdem mr de Arco bi de Jasmin und em Römi händ abgeh, isch eus zoe cho go holä zum an Flughafe fahre..
    13.20 Abflug.. 17.00 Ortszit Punta Cana Ankunft (ide schwiit 23.00)
    Da simr de abgholt worde vo eusem privat chauffeur und mir hend nomal eh 2h fahrt gha bis Santo Domingo wo eusi ersti Unterkunft (island life Hostel) isch.
    Nachdem mr ihcheckt hend und churz mal dluft wahrgno hend, hämr entschiide no churz was go ässä ih de Zona Colonial.. da eusi Unterkunft ziemlich idere Zona isch, hämr chöne laufe.
    Ziemli schnell hämr aber gmerkt dass eus die Ahreis recht kaputt gmacht häd, drum hämr entschiede nach em ässä direkt is Hostel gah um go pfuse.
    Morn erwartet eus, üses mietauto und srichtige Abentür cha starte.. yupii..    Leggi altro

    Guarda la traduzione
  • DomRep may 2026
    1

    Erster Tag Mietwagen Rundreise

    10–12 mag, Repubblica Dominicana ⋅ 🌬 30 °C

    Also hüt simer recht früäh wach gsi, ich leti bin sit am 4i wach gsi. Jetlag sei dank.. am 7ni simr de gmüätlich ufgstande und hend eus parat gmacht fürs früähstück, wo erst am 7.30 ready gmacht worde isch.
    Nachem zmörgele (eifach, rüährei, pancake und es stuck toast) simr de churz en supermercato go ufsueche, damit mr öpis für unterwegs händ.
    Am 9.30 isch eus denn sauto bracht worde. Coole noname Schlitte 😎😅
    Und da mir eus ja scho vorbereitet händ, hämr nur müässä die erst Adresse ihgä und losfahre..
    COCOA bay, undrwegs mal ab und zue super fründliche Militär polizischte ahghalte worde.. aber glaub meh wells lust gha händ zum wüsse vo wo touris chömed. 😅
    Im Cocoa bay, was underanderem es chlises wiigebiet isch hämr eh atemberaubende stopp gmacht und händ was knabbered.. besti chäs und marmelade ever gha mit focaccia.. mir händ gad müässä wüsse wo mrs dörfed chaufe.. de einti chäs isch huusgmacht gsi, de hämr dörfe vo ihne abchaufe😎
    So nachem super Mittag ässä gahts über landstrasse inedure wiiter, mir händ immer wieder dörfli passiert. Und ih jedem Dorf häts so richtig höchi welle am Bode gha, dass jedesmal ganz abbremse muesch.. zum Teil isch es eim recht als arms land vor cho. Hät überhaupt nix gha vo dene ortschaften am Meer wo mr bereits gseh händ. Nach 2.5h hämrs denn äntli id Unterkunft (Las Marias de Neyba) gschaft.. und mir händ erst mal en Kulturschock gha..😵 WOW, wie chamr so luut musik losä. Mir hättet so bock gha sich dra gselle.. aber denn hätte mir fix en ghörschade.. mir sind erst mal eifach is Zimmer zum chli chillä.. au vo da ghöremr dmusik ja sowieso.. 🙈
    12h später.. oops. Mir händ eifach dure gschlafä.. es isch 5i am morgä.. Jetlag sei dank.. drum händr de Post erst hüt becho.. und meh zum verzelle häts nöd.. 🤣 bis spöter..    Leggi altro

    Guarda la traduzione
  • DomRep may 2026

    Ortserkundung Lago Enriquillo

    11 maggio, Repubblica Dominicana ⋅ ⛅ 31 °C

    Also nach dem mr ja so früäh wach gsi sind hämr sehnsüchtig gwartet bises zmörgä git, mir sind zwüschetitlich au mal usem Zimmer und händ mit em cousin (14ni) vo de Besitzerin bekanntschaft gmacht (🙆‍♀️ morgä am 5, her het gmeint er cha ned schlafe.. so we mir.. )
    Guet, er het gmeint es git erst am 8ti zmorgä, drum simr de retour is Zimmer händ dusched und eus parat gmacht.
    Hüt hämr ja welle chli ortschaften besichtige, bim national park lago enriquillo.
    Nachdem mr zmörgelet händ (dominican style), häd ile erst mal us dem labyrinth euses auto Schadenfrei müässä usefahre.. 💪🏽 starch gmacht amore😘
    Mir händ eigentlich en bootstour welle mache, aber no captain, somit hämr dkrokodoile 🐊nur am rand gse. De See isch übrigens en Salzwasser see, weller einst mal zum Meer ghört hät.. und isch 3mal salziger als Meer. Leguane am Land.. wärde bis 60 Jahr alt..
    Uf dere siite vode See-Küste hämr diversi Halt gmacht, im nachinhinein hämr no überleit mir hättet au eifach rundherum fahre chöne.. aber da mr da im Landes innere durchschnittlich nur 30 fahred, (mir und ned donenikaner) well mr sauto ned wenn kaputt mache 😅 hät mr eh Ewigkeit. Chönd eu vorstelle für 14km öpe 30min..🤣
    Zum Mittag (13.30) hämr eus es herzig restaurantli us gsuecht und nachdem simmer de langsam wieder retour zum Hotel. Übrigens isch au hüt wieder die typisch Dominikanische luuti Musik gloffä, aber es isch nüme so voll gsi.. 😎
    Mir hends denn eifach no det chillt und sind de mal zrugg is Zimmer.. mir sind logischer wiis scho recht wieder k.o gsi..
    Morn gahts denn wiiter zu de nöchst Unterkunft. Uf die wo sich Leti am meisten freut 😍😍😍    Leggi altro

    Guarda la traduzione
  • DomRep may 2026

    Weiterfahrt nach cueva de las aguilla

    12 maggio, Repubblica Dominicana ⋅ ☀️ 29 °C

    Sodeli, hüt simer wieder bi ziite wach gsi. Nachdem mr erst mal uf öper händ müässä warte für euses zmörgä hämr ufbrochä zum nächste Standort.
    Knapp 4h fahre hämr vor eus. Aber mir händ ca nach 1.5h Fahre jewills en stopp gmacht. 1.stopp bi de playa san rafael, wo eh Salzwasser Fluss is meer flüsst.. sehr ihdrücklich. Salzwasser arsch chalt.. aber smeer super warm .. 😎
    2. Stopp 2h stündigi bootstour ider laguna oviedo. Isch e Salzwasser see mit ganz viel Vogel arte. Riese Leguane, Flamingos (mir händ hüt nur zwei gseh. Da im moment gad paarziit isch in Florido 🦩) und no en churze beauty stopp mit em Dreck..
    Nach dem zweite halt simr direkt wiiter gfahre zu eusere Unterkunft in cueva de las aguilla, wo mir zwei Nächt imne Zellt schlafed. (Öpis speziells extra für Leti) Zellt sind gad am Meer und mir chönd also smeeresruusche zue losä.. Musik fürd seel 🌊.
    Uf em hiweg hämr ei mal meh verstande wieso die streckene so lang dured.. panorama weg isch eifach atemberauend gsi aber immer wieder mit Baustelle, sprich strasse kaputt.. und desto me mir richtig capo rojo gfahre sind, sind die strasse immer holpriger worde. So wies usgseht sind Sie die Strasse alli am neu mache.. wenns denn mal fertig sind. Bini überzügt isch es eh geili strecki zum fahre.. ile hät hüt gschwitzt.. (leider mömr de weg de au no retour machä🙈)
    Ei mal ah cho, isch öpä 16.00 worde, hämr erst mal churz was welle ässä.. euses Zelt wär eigentlich im garden Blick aber ich ha gfunde, mir bruched dringend Meerblick, zum Glück hämr über das super lokale Reisebüro buecht, denn mit Ihrer Hilfe hämrs upgrade becho und denn no erst gratis. (Wo ich direkt gfrögt han, sinds nämli leider ned druf ih gange)
    Nachem ässä no en churze spazottel und schwum direkt am Meer. Dusche und de abig vor eusem Zelt useklinge la.. und so isch au de Tag verbi.. morn gits denn nomal eh bootstour dasmal ufem Meer.. 🚤    Leggi altro

    Guarda la traduzione
  • DomRep may 2026

    Chill Tag auf Bahia de les Aguilles

    13 maggio, Repubblica Dominicana ⋅ 🌬 30 °C

    Hüt hemmers relativ chillig gno..
    sind zwar am 5ii am morge scho wach gsi da mer zwei Platzrege kah hend und im Zelt kört mer das natürli mega und Zack hemmer tiefig müese use renne da mer no tüechli und bikini ufghängt kah hend, danach hemmer echli d‘ussicht vo eusem bett gnosse..
    am 8tii hemmer chöne go zmörgele.. nachem zmörgele simmer den ade reception gsi, da für eus no e "bootstour" bueched worde isch.
    Nachdem mir eus parat gmacht hend und füre gloffe sind, simmer nach dem mir die Allgemeini gschäftbedienige bestätigt hend a eusem boot gfüert worde.
    Highlight: d‘fahrt isch nöd mal 10 minute gange😅
    Danach simmer anere einsami küste ahcho, bevor mer überhaupt ahcho sind, het ili scho ihre senf müese duregeh,: Geeil, alles offe und kei schatte🙈 womer vom boot abgstiege sind, hend eusi super zwei Chicos e chüeltrueh ( 4x Wasser, 2x Cola und 4x Bier) zwei stüehl , en tisch und en pavillion usegno und ufbaut.
    Wort wörtlich hends eus links ligge lah.. zum glück mit trinke😜
    Um de mittag ume isch eus en chico zuegloffe und het gfröget ob mer hunger hend. Wo mer den menü charte ahglueget hend und usgsuecht hend, hemmer eus no gfröget wo mer das züg esse werdet. Den seit er eus tatsächlich er bringts zu eus. ( und es isch recht e langi strecki gsi vom ecke vom strand)
    Nach 1 stund 30 minute isch er tatsächlich cho mit eusem esse.. mega cool.. mir hend riesig freud kah a eusem Oceanjusteat😂

    Nach gueti 4 stund sind eus chicos wieder cho go hole..
    nachdem mir gmüetlich duschet hend, simmer den chli go ligge…
    De abig isch witterhin chillig witter gloffe, mir hend en spaziergang zum nachbarshotel gmacht. Hend öppis chlises gesse und trunke. Hend e herzigi begegnig kah, leti het die chli chatz natürli grad wele mit uf d‘reis neh sowie au hei id schwiz.
    Ob da de Arco freud kah het🤔
    Morn gahts witter zum nöchste Hotel in Enriquillo.☺️    Leggi altro

    Guarda la traduzione
  • DomRep may 2026

    Weiter/zurück nach enriquillo

    14 maggio, Repubblica Dominicana ⋅ ☀️ 28 °C

    Hüt hemmer weniger gmacht als gester..
    Am 6ii sind natürli scho beidi wach gsi🤣
    Hend sletscht mal die wundervolli ussicht vo eusem Zelt gnosse.. am 8ti simmer go zmörgele.. nachem zmörgele ca 10:30 simmer den abgfahre richtig enriquillo.. ufem weg het leti ufem maps gseh dases zmitzt im nüt so ne art „brunne“ het.. natürli het sie wele ahhalte..wo mer ahghalte hend isch eus scho en junge herr entgege gloffe.. und het eus zu dene „brunne“ bracht..
    heti ile gwüsst was für en weg mer hettet müese mache, wäremer witter gfahre🤣 sie het leti i dem moment definitiv ghasst😅 aber sie het sich tapfer gschlage.. nach ca 7 minute laufe hemmer de ersti ahtroffe.. ile het nachem erste scho wele zrug gah.. de leti hets aber gfalle, de jung herr het eus dementsprechend zum zweite gfüehrt.. nachdem mir de zweit gseh hend, voller schweiss und ade pralli sunne hemmer entschide retour zlaufe..
    wo mer entli euses auto gseh hend simmer voller freud gsi, nachdem mir dem junge herr trinkgeld geh hend und e fläsche wasser isch es de leti neb ihm unahgnehm worde, will er sie ganz komisch ahgstarrt het, was nüt mitem trinkgeld ztue het will mer ihm meh geh hend als mer hettet müese und kei chli geld meh kah hend.. drum simmer grad ihgstige und nach enriquillo witter gfahre.. während dem auto fahre hemmer müese sege, das ile sich seeehr tapfer gschlage het uf dem weg, und das will d‘OP erst vor ein e halb mönet gsi isch🙈 defür het sie sobald mer is auto ihgstiege sind natürli bizzeli ihres chnü gspürt..
    wo mer in enriquillo ahcho sind, simmer mitemene drink ganz herzlich willkomme gheisse worde vom Wolfgang.☺️ er isch en dütsche wo vor 26 Jahr usgwandered isch und sich denn die egolodge baut hät. Nebed bi handlet er no mit de schöne blaue Lamir stei. Die einzige Miene ih de Karibik wo die blaue stei hergit
    Nachem drink het eus de Wolfgang echli zeiget wo was isch, und danach hemmer euses Zimmer chöne ussueche, da mir alleige gsi wäred..
    nachem ussueche simmer gmüetlich i euses zimmer eus echli go usruhe.. (die strasse mached eim richtig kaputt🤣)
    Am abig hemmer gmüetlich de znacht gesse.. während dem esse sind denn doch no reservatione ine cho.. de Wolfgang het vergesse euses zimmer zsperre.. dementsprechend isch er überbueched gsi😅 aber da mer mit de domenikaner rede chan isch das keis problem gsi..danach hemmer en netflix abig gmacht..☺️    Leggi altro

    Guarda la traduzione
  • DomRep may 2026
    1

    Moskito plage

    15 maggio, Repubblica Dominicana ⋅ ☀️ 29 °C

    Uff, wo ahfange verzelle, scho d’nacht het viel uf sich😅
    Mir hend e sche** nacht verbracht.. mit grüsch vo de nachbare🙄🙈, de wind, s‘meer, musik und natürli eusi lieblings kollege wo Moskito 🦟 heisset😅
    mir sind wortwörtlich 10 mal verwachet will mer vollgstoche worde sind🫨
    Am 6ii hemmer den kei lust meh kah zum ligge und sind ufgstande.. aso viel gschlafe hemmer leider nöd🙈
    Uf die 8tii simmer go zmörgele☺️ das mal hets en feine zmorge geh🥰
    Nachem zmorge hemmer eus entschide zumne "supermarket" lzaufe und en bessere mosquitospray kaufe wo nützt..
    De weg durab hemmer gmerkt das leti sich eifach falsch ahzoge het (rots churzes chleidli, drundr bikini).. de spaziergang isch mega unahgnehm gsi will all blick uf leti gange sind.. eis isch klar.. leti wird niemeh mit somene chleid im dorf ine laufe.. nachdem mr zrug gloffe sind, hemmer eus en schöne morge am pool gmacht.. ca uf die 14:00 simmer los gfahre richtig los patos.. det wo de Fluss is Meer mündet. mir hend es schöns spaziergängli gmacht und sind denn zu eim vo dene vielne pubs aneghockt am See und hend die iheimische beobachtet, wie sie Ihres läbe gnüssed. da mir no kei hunger kah hend, händ mir eus nur was drinke bstellt.
    nachdem mer fertig trunke hend, simmer richtig Paraiso gfahre au schön am strand mit es paar grossi bächli..
    s‘hüngerli isch cho, hend wele anesitze zum öppis esse, aber irgendswie hends da ide umgebig nur poulet (da ja ile kei fisch isst🙈) und drü täg lang poulet esse het sie au nöd wele.. vo det simmer den los gfahre richtig hotel, uf de hauptstrass hets es resti.. mega cool.. wo mer usgstiege sind und ane ghocket sind, hets natürli wieder gheisse entweder fisch oder frittierts poulet.. de muss sich halt ile zfriede stelle mitem poulet🙈🙈leti het ihre fisch selber chöne ussueche.. het drü verschiedeni farbe kah, beige/ wiss, blau oder en rosa fisch😂😂 -> rosa fisch hät gunne.. well er au de chlinst gsi isch 😅

    Nachem znacht simmer zrug gfahre, und hend gemütlich eusi netflix serie witter glueget.. hoffentlich verbringemer die nacht besser als die letzt🙈 ohni grüsch, musik, wind und vorallem ohni eusi besti moskito 🦟fründe😂    Leggi altro

    Guarda la traduzione
  • DomRep may 2026

    Anreise Barrera

    16–17 mag, Repubblica Dominicana ⋅ ⛅ 30 °C

    Ja also gester isch de Tag ned so speziell gsi, weshalb mir kein Bitrag gmacht händ.
    Mir sind zu eusere nöchsti Unterkunft in der nöchi vo Azua. Isch es egoldodge wo vielversprechend tönd hät. Leider hät sich das denn eimal ahcho, eher nachemene Flop bemerkbar gmacht. Obwohl doch no viel lüüt angreist sind fühlen mir eus da obe im nowhere ned so wohl. Mir händ drum entschiede das mr eus für en anderi Unterkunft umelueged wo wenigstens denn au chli ih de mitti wäri vo eusere eigentlichi wiiterreis vo 4h uf bajahybe morn.. hüt abig gebemr es updateLeggi altro

    Guarda la traduzione
  • DomRep may 2026
    1

    Fahrt Richtung Palmar de Ocoa

    17–18 mag, Repubblica Dominicana ⋅ ⛅ 30 °C

    Die nacht isch au nöd toll gsi🙈 die muckene wend glaub das mer muckene werdet..🦟 mir hend recht schlecht gschlafe.. leti het sich ide nacht wele chalt abdusche will ihre de ganz körper bisse het weg dene stich.. —> toll, eus wird nöd komuniziert das ide nacht s’wasser abgstellt wird..🙈 am 6ii simmer wieder uf gsi🙈 hend zwar en schöne sunneufgang kah☺️ aber trotzdem hend mir eus relativ schnell entschiede das mer di zweit nacht ned au no da verbringed. d‘lag het eus nöd passt, sind im nüt dusse gsi und de empfang vo de ihheimische isch nöd grad super gsi.. und demit mer nöd grad 4 stund durefahre müend bis zu eusere zweitletzt underkunft händ mr spontan es Hotel in Palmar de Ocoa buecht.
    uf die 9:30 simmer den los gfahre richitig azua.. det hemmer sehnsüchtig nachere apothek gsuecht wo mer au gfunde hend.. hend endlich öppis becho weg dene stich.. hoffentlich nützts au.. witter gahts richtig palmar de ocoa mit diversi zwischehalt bi diverse stränd. Relativ schnell hemmer gmerkt das mer wieder dur ocoa bay fahred, wo mr ganz am ahfah de geilsti chäs gässä händ..drum hämr au nomal det ghalte. und so hämr au nochli eusi ziit vertribe, da de checkin erst am 15:00 gsi wär..drum ab ufe fahre.. ☺️
    Nachemene zmittag, ab in pool.. ( sorri mamis, eusi zwei stund nachem esse nöd ihghalte🙈😅)
    Nach gueti drü stund simer abgfahre richtig euses hotel.. 20 minute weg hemmer no vor eus..
    chum is parking ine gfahre, scho werdemer gfüert zum parkiere.. nachem checkin und zimmer ahluege ab an strand go sunne/wulchä gnüsse☺️ guet ihcreme da ile sich natürli scho verbrennt het und scho wie en leguan usgseht.. leck hets viel ihheimischi da wo uf bsuech chömed zum chli zit mit de familie verbringe☺️ mir fühled eus wieder wohl.. aber eis isch klaar, mir werdet schwerhörig wieder hei cho🙈
    Nachem dusche no en chline spaziergang am strand und no chlises was ässä am pool wo party lauft.. und denn mal zrugg is Zimmer nochli go netflixe 😎    Leggi altro

    Guarda la traduzione
  • DomRep may 2026

    Zweitletzter stopp in Bayahibe

    18–19 mag, Repubblica Dominicana ⋅ ⛅ 32 °C

    So hüt nach em zmorgä hämr eus uf eusi lange Rückreis richtig Punta Cana gmacht. Aber mir werde no ei Nacht ah de anschienend schönste Küste vo de Domrep übernachte.. Bayahibe..
    Ersti Halt uf de Rückreis sind Düne vo Baní gsi und punta salina beach. De isch ziemlich verlasse und geisterhaft gsi.. hätti viel Potenzial.. aber so sinds da halt.. fangen was ah und denn merkets das sich niemrt meh richtig drum kümmered und scho isch en Ort Verlasse..
    Nach dem sind mr wiiter und händ en Mittagesse halt gmacht in Boca Chica.. da hämr fenomenal gässä..
    ABER 🤣, bevor mr det ane cho sind, hämr müässä dur di ganz Stadt Santo Domingo fahre.. uf.. das isch en Vercher gsi.. und plötzlich hät Dletizia müässä pipi.. und zwar driiiingend 😳 tja.. nur leider simr ja ih dem verchehr gsi.. drum häd Sie müässä ihfalls riich werde.. und das hät bedütet ine Kokos 🥥 ine bislä.. 🤣🙈 tja de rest vode Story verzellemr jetzt da aber nöd.. 🤪
    Nachem Mittag ässä händ mr eus denn doch direkt uf de Weg nach Bayahibe gmacht.. ab da wirds chli touristischer.. aber immerno recht herzig und chli.. da sind mr imne Guesthouse und händ ei Nacht bevor mr denn morn ih euses letschte all inkl. hotel gönd.. ich denke da werdemr denn au nüme so viel zum verzelle ha..
    Aber für hüt hämr denn in Bayahibe no en schöne spaziergang mit Sunneundergang gmacht.. ile hät denn no en tiktoker erchänd.. wo sie ih de letscht ziit immer gseh hät.. well er da ihde domrep so usflugsziele video macht.. witzig.. das Ile ihn gad erchänd händ.. nachemene schwätzli hämr natürlich es chlises hüngerli becho und händ en Italiener gfunde zum go ässä.. und mir säged euch.. das isch de besti (au wemr no kei anderi italo resti probiert händ 😅) uf de ganze Insle.. aber mir sind fast abe.. so geil.. als hättis mami koched.. (sorry Mamis 😅) 🤤
    Nachem ässä simr is Guesthouse zrugg gloffä, händ eus churz abgwäsche damit mir eus chönd mitere neue Creme ihstrichä für eusi muckästich..
    En lange Tag gahts end und morn freuen eus uf die letschte paar täg all inkl.    Leggi altro

    Guarda la traduzione
  • DomRep may 2026
    12

    Ankunft im All Inkl. HOTEL

    19–22 mag, Repubblica Dominicana ⋅ ☁️ 29 °C

    So hüt hämrs ned wiit gha.. nur ei stund bis zu eusem verdiente all inkl. Hotel wo mr no eusi letschte Täg so richtig nüd mached 🥰
    Ha ja drum bereits mal vorgwarnt, dass mr nüm so viel zum schriibe hend.. 🤪
    Gschlafä hämr leider sehr schlecht.. härts bett.. und dmuggestich wo nach gfühlt einere wuche immereno Bisse händ.. am 6i simer denn wieder ufgstande.. zmorgä häts aber erst am 8ti gä.. aber eis mömr säge, obwohl mr jede Tag so früäh wach gsi sind, hämrs chliig gno und händ au bi ziite mit de family chöne telefoniere..
    Nachem zmorgä (also keine well mr genau zwei boxe frücht becho händ, und ile ja so gern frücht iss🙈🤣) simr los gfahre..
    Händ uf dem wäg no zwei Halt gmacht.. en andere beach go ahluege wo volle algä gsi isch, also schnell weg simr gsi 😅 und denn no e chilä inere Stadt.. ganz Okey.. hämr au scho schöneri gseh..
    Mr händ den entschide churz vorem Mittag is Resort zfahre, damit mr det chönd ässä.. sauto hämr denn erst am 3 müässä abgeh..

    ahcho im Catalonia Punta Cana Resort hämr erst mal fast 1 h müässä ahstah fürs checkin.. wow.. was für en Kontrast zu de letschte Täg ihde Domrep.. vo wenig und ihheimischi lüüt zu viel und usländischi lüüt 🙈🤣
    Obwohl die usländische no immer vo spanisch sprechende Länder chömed und viel Amis..

    Endlich hämr euses bändeli becho wo zugliich euse Zimmer charte isch. Schnell simmer go ässä. Da mr ja kei zmorgä gha händ simer am verhungere gsi🙈🤣 zu eusere überaschig, isch echt no guet gsi. Sie händ tolli uswahl..

    So nachem ässä hämr natürlich no müässä warte bis am 15.00 fürd Fahrzügübergab.. und mir hend gfühlt meh Schritt ih dem Resort gmacht als mir dusse unterwegs gsi sind.. 🤣🫣 es isch sooo gross..
    Für Zimmerbezug hämr au bis 15.00 müässä warte.. drum simer chli im Resort umegloffä und so ziitvertribe..

    Nach de Fahrzügübergab hämr denn au mal endlich euses Zimmer becho.. mega gmüätlich und super groß.. es isch eifach fast zvorstet bim strand und pool..und zum is resti gah laufsch wieder dn gfühlte marathon.. aber wärs umgekehrt, wärs umgekehrt wärs de wohl au ned guät😅

    Und ja da verbringemr eusi letschte 3 ferietäg.. mir händ e super Ziit gha mit de Rundreis und de 1168 gfahreni km, viel verschiedeni Ihdrück zum Teil eher schlechteri also letscht mal wo mr da gsi sind.. aber das lieht natürlich ah de ortschafte.. und doch sind mr Dankbar das Land uf eh anderi und eigene Art dörfe gseh ha..

    Falls mr no was speziells erlebed, machemr nomal en Post um susch chund de vlt nur no eine, eusi Abreis ☺️

    Danke fürs mitreise ah alli wo mitglese händ. 💞🫶    Leggi altro

    Guarda la traduzione
  • DomRep may 2026

    Die letzten drei Tage und Abreise

    22 maggio, Repubblica Dominicana ⋅ ☁️ 27 °C

    Die letschte drüü täg hämr die typische all inkl. Ferie gmacht, chillt, viel und vorallem au guet gässä, baded im Pool. Well im meer isch es unmöglich gsi. Swätter hät die ganze algä an Strand gspüählt.. au wenn Sie sich müäh geh hend die vom Sand zentferne, häts nüt bracht.. Und eimal hämr denn sogar en Tagesusflug uf Saona insle gmacht.. au die isch schöner verchauft worde als Sie wirklich gsi isch..
    Fazit, mr hättet sölle in Bayahibe bliibe.. 🙈
    Jetzt simmer am Flughafe und ready für de Alltag. Mir freued eus alli eusi liebste bald wieder gseh..    Leggi altro

    Guarda la traduzione
    Fine del viaggio
    22 maggio 2026