Frankreich oktober

Newest first

Trip start
October 11, 2025
Frankreich oktober Traveler
Erster Tag Zwischenhalt in Cleremont F.
Oct 11–12 in France ⋅ ☁️ 14 °C
Plant isch gsi hüt am 9ni abfahre bide shianne und en Halt ah Wasserfäll mache. Leti het am morgä nöd möge ufstah, drum isch es halt doch erst 10.30 worde. Us dem Grund hämr entschiede kein extra Halt mache für wasserfäll sondern ziemlich direkt dure fahre uf cleremont Ferrad. Wo vo morn us mir zum Vulkan gönd. No offe ob mr denn doch nomal ei Nacht da bliibed.
De Tag isch super gangä, kei Verchehr, churze e posti Halt im lidl gmacht und wo mr ah cho sind hemr doch de Baleno mal ready gmacht. Und au das super gangä. Standheizig funktioniert super. Mir händ zwar dobä gschlafä, aber under de decki isch es easy Okey gsi.
Shianne hät no ihre Beamer mit gno und so hämr ganz geil chöne de match luege.. 😄 (de muesi mr denn au no zue tue😅)
Und so isch euse ersti Ferietag ume.. 😴Read more
See translation
1 like
Frankreich oktober Traveler
Anreise Westküste
Oct 12–15 in France ⋅ 🌙 9 °C
Hüt simr uf di 8ti ufgstande.. denn hämr eus überleid ob mr nomal en zwüsche stopp wennd mache und ufem weg vlt no en vulkan go bewandere.. oder susch eh grotte go ahluege.. nach langem hin und her überlege hemr eus entschiide doch direkt ad west Küste fahre.. denn da isch swetter vieeel wärmer.. ☀️ direkti weg 4.5h. Mir hend ei mal halt gmacht zum tanke und Wasser poste und einmal halt für was ässä.. zum ufs autobahn cho isch de weg mega idyllisch gsi. dautobahne sind denn praktisch leeeer gsi ufem ganze weg.. bis bordeaux. Me he gmerkt, das mr wieder ine Stadt ine chömed. Vo da isch es de nüm wiit gsi. Mir hend en Platz usgsuecht aber ned buecht. Sind eifach ane gfahre.. und hend en Platz becho.. yupiii.. und denn no en schöne.. gad hinderm Strand ⛱️
Ahcho hämr eus was kocht und hend nachem znacht no en chliine Spaziergang gmacht.. au um eus nochli bewege..
Und jetzt isch au scho ziit zum go pfuse.. morn sind den die berüämte düne dranne.. 🏖🥰Read more
See translation
1 like
Frankreich oktober Traveler
Ausflug nach Arcachon
October 13 in France ⋅ 🌙 20 °C
Hüt simr gmüätlich ufgstande und hend erst mal chli zmörgeled. Mir hend ja plant zu de düne fahre mit eusne citybikes. Es hät greicht bis nach arcachon städtli.. 😅🤣 einersits well mr denn mal en halt gmacht händ und denn halt grad e bootstour buecht hend.. die isch 2.5h gange.. also häts halt ned ganz greicht bis zu de düne😆 Mir hend sie dafür vom Wasser bereits mal bestuunt..
Velowägli da sind super.. git extra routene.. für citybikes teilwiis kaputti strasse.. aber easy.. euses fudi tuet etz nur bizeli seeehr fest weh. Das mr entschiede hend morn doch mit em auto zu de düne fahre.. 🤣
Uf em retour weg het shianne no gmeint gad in arcachon was ässä.. ich ha denkt ja chum mi chönd ja bi eus im dörflichen was ässä ga.. aber schnell hemr festgestellt dass tatsächlich am mäntig bis zu chline usnahme alli restis zue hend. (Ruhetag)🙄 somit häts de halt nurno pasta con Pesto ge vom eusem camper resti 😂 isch trotzdem fein gsi.
So hüt abig machemr nüd me. Shianne möcht no de schwiizer match luege und ich bi so platt dasi glaubi nebed dra ih pfuse 😴Read more
See translation
1 like
Frankreich oktober Traveler
Dune du pilat
October 14 in France ⋅ 🌙 19 °C
So aber hüt chund eus nüt im weg. Nachem feine zmorgä ässä hämr entschiede hüt mit bolt(uber) zfuess und ÖV unterwegs si. Underanderem well eus fudi immerno weh tuet. (Nöchsti chauf en gelsitz fürs velo) Mit em bolt simr ih 17min ca bide dune du pilat gsi. Endlich hemr euses Ziel erreicht. Und es isch def. En usflug wert. Beidruckendi Ussicht.. und dass die düne mal größer mal chliner isch zeigt wie eusi Natur eifach nöd uf eus Rücksicht nimmt. 🏝
Dfüäss is Wasser ghebed hemr au. Zum ganz ine ga doch biz chalt. Nachdem mr det umegschländered sind hämr eus in marsch gsetzt. Mit Ziel öpis ässä.. de hemr doch es super feins resti im winterquartier (so nänned sie sriicheviertel) gfunde. Mit vollen Buch marschieremr wiiter. Mmhh.. aber zum alles laufe doch chli wiit, so hämr sobald mal en Bus verbii gfahre isch de bus gno. Ganzi zwei euro für eh Tagespass 😃
In arcachon simr usgstiige und det hemr no bizeli gshopped, leti het zumindest. Fancy hose gfunde.
So aber etz langsam retour. Natürlich hemr mit em bus welle Zrugg zum camping platz, ja de fahrt erst ih 15min. Wartemr doch bide bus station. Wartet wartet.. shianne am spieli mache, leti am whatsapple.. Plötzlich fahrt euse bus vor de Nase davo.. ja klar.. er isch au 5 meter wiiter vorne gstande.. oh mann.. de nöchst fahrt erst ei stund spöter.. ja guet da mr bim bahnhof gstande sind hemr entschiide doch halt no de Zug probiere 🤣🚉 beide ÖV Möglichkeiten super art zum reise.. gliiche standard wie ide schwiiz.. zudem no pünktlich.. 🕕
Nach öpe 15min simr ih eusem käffli ahcho "la huma" und da mr ohni austere 🦪 ässe ned gaht vo dem Ort, händ mr no es resti usgsuecht zum die ässä.. Austere TOP rest Flop.. 🙄 so jetzt gahts aber ab zrugg zum Campingplatz.. isch en langä tag gsi mir über 15000schritt.. eimal bim Baleno zrugg heissts nurno chille und no de match luege mit eusem coole Beamer.. 😴
....Read more
See translation
1 like
Frankreich oktober Traveler
Rückweg in die schweiz mit Zwischenstopp
October 15 in France ⋅ ☀️ 19 °C
So da mr doch 10h hättet zum bis id schwiiz fahre, nehmemr eus die zwei Ferietäg no zum zrugg fahre und haltet jeweils no ah.
De ersti stopp hämr usgsuecht wells en see hät. Das de Ort abet zmitzt im chueche und Mitte vo Frankriich isch hämr ned denkt.. es heisst lac du vassivierre. De weg dahi isch denn plötzlich alles nurno waldstrasse gsi. Ha keis anders wort für die wort. Well für begstrasse simr wohl ztüüf undä😅
Anyway.. Mir sind ca 14.10 ahcho.. de Campingplatz isch leer! Es hät zwei Franzosen gha.. und susch empty.. ja guät frei uswahl a platz.. und etz den hez herusforderig ahgfangä.. denn die plätz sind all chli gägä abe gsi.. bedütet, mir mönd mit Keil schaffe, damit mr de Bus grad krieged.. tja das hämr fast 2h probiert.. de Baleno hät und hät eifach ned welle grad stah.. egal wie mr die Keil ane ta hend. Nach knapp 2h hämr gfundä egal.. mr lönd en eso.. ei siite staht ja grad.. 🤣 Mir hend denn entschlosse erst mal dgegend erchunde, sprich e crepe go ässä im einzige restaurant wiit und breit. Shianne hät de no en geocach gfunde.. de simer au no go sueche..
Eimal zrugg bim Baleno hämr das grad stelle numal versuecht, ih dem mr erst mal de Bode studiert händ 😆 et voila.. es hät klappt. Mir stönd grad 🥳
So für hüt längeds.. isch eh langi ahfahrt gsi mit viel nerve.. drum ässämr was und gönd den gad go pfuse.. 😴Read more
See translation
1 like
Frankreich oktober Traveler
Djion nächster Zwischenhalt
October 16 in France ⋅ ☀️ 16 °C
So, das bi dem wunderschöne See wiit und breit nüt het unds arsch chalt isch, hämr sauto scho gester parat gmacht zum los fahre. Euse nöchst zwüschehalt isch etz mal e Stadt, Djion. 4.5h weg bis dahi. Mir händ gseid shianne fahrt mal die erst Strecki.. nach einere h Waldweg fahre hämr gwächslet.. es hät Sie gad müäd gmacht, da recht konzentriert häsch müässä bliibä..
Ab dr Autobahn hät leti denn übernoh..und mir sind ziemlich duregfahre.. in Djion gits genau ein camping Platz. Mr cha ned reserviere.. bis 16.00 finsch sicher immer es plätzli.. ab denn garantierets denn nüme😅
Guet mir sind am 14.00 ahcho.. und mir sind denn scho ahgstandä🙈 aber kei problem händ es plätzli gad vo de sanitär ahlag becho.. perfekt.. es hät gaaanz viel DE und NL da😅
Guet ei mal ahcho hät leti erst mal müässä eh rundi liggä.. sie hät sich nämlich gröber verchältet.. dahreis gester am See isch ziemlich windig gsi..
Und so geg di 15.00 simer denn mal mit de ÖV id Stadt gschlemmert.. eh super herzigs städli.. "Eulen Stadt, Stadt vom Senf (moutard)" am bodä häts so ülä🦉, dene chamer entlang laufe und so dstadt erchundä.. denn gits no eh 🦉 binere Kathedrale, wen mr die berüährt bringt sie Glück.. mir hend den no es Ramen resti gfunde, wo mr denn gönd go znacht, da bizeli Flüssigkeit guet tuet de leti.. 😃
Da mir ned unbedingt mit volle täsche hend welle is resti, hämr das züg churz is auto bracht. De platz isch nämlich au super central glägä..
Uf di 20.30 simr de platt is nest gheit.. morn stömmer gmüätlich uf und zmörgeled und fahred gmüätlich zugg id schwiiz.. ja die 7 Täg sind scho verbii und somit auch dferie.. dankä fürs mitlese und bis bald❤️Read more
See translation
1 like

Trip end
October 17, 2025

Erster Tag Zwischenhalt in Cleremont F.

Anreise Westküste

Ausflug nach Arcachon

Dune du pilat

Rückweg in die schweiz mit Zwischenstopp

Djion nächster Zwischenhalt