Reset search
Baltic Sea Circle
  • Simon Schilt
  • Travellerluke
  • Simon Schilt
  • Travellerluke

Baltic Sea Circle

A 19-day adventure by Simon & Travellerluke Read more
+2
FollowInsightsInsightsCalendarCalendarPhotosPhotosShareShareBucket list
Newest first
  • Trip start
    May 28, 2025
    Baltic Sea Circle

    The Baltic Sea Circle

    May 28, 2025 in Switzerland ⋅ ☁️ 18 °C

    Was isch de das überhoupt, was mir da mache?

    Ja, "The Baltic Sea Circle" isch e Rally. 16 Täg, 9 Länder u 7.500 Kilometer im wiude Ritt um dOschtsee. Dr Wage muess im minimum 10jährig si, je euter desto besser. Am Aafang vor Rally gits es "Roadbook" u dert si aui wichtige Sache wie ou Challenges dinne. Es Navi und dOutobahn dörfe nid bruucht wärde. Zämehaut, Spass und Abentüür söu natürlech im Vordergrund stah. Das isch öppe das, wo mir oh wüsse u dr Räscht gsemer am Fritig, denn we de dr offiziel Start isch.

    Charity-Projekt
    Dasmer mit Spändegäuder tuet dWäut verändere, isch die eigentlechi Grundidee vo dere Rally. Auso das heisst, mir aus Team tüe zGäud wo üs gspändet wird im Nachgang amne Projekt spände wo üs am Härze ligt. Das chü ganz ungerschidlichi Sache si wie z.b. Umwelt, Menschen, Medizin usw. Vilech hesch ja du no e Idee womir das Gäud chönnte spände. Und we du da üsi Sach kuul fingsch, ischsdrs frei gsteut ou e Batze zgäh.

    Schön reisisch du mit üs. Und mir si gspannt was üs Aues erwartet.

    Team #93    Read more

    See translation
  • Baltic Sea Circle
    Volvo-Buddy#team62#team78

    Aareis u Aakunft in Hamburg

    May 29, 2025 in Germany ⋅ ☁️ 18 °C

    Nachdäm mir aues zäme hei 😅 (Schweissgrät komplett, Ecoflow ladt weder, verpflegt) fahre mir gäge Aabe los🚙. Nach rund 430 Kilometer fingemer es Schlafplätzli amne Waudrand😴. Nachere ruhige Nacht fahre mir witer richtig Hamburg. Unterwägs no hurti tanke u zMorge näh u de ume witer. Um die viere chöme mir de zHamburg ufem Startgländ a. Dert träffe mir aui Teams und überchöme die erschte Informationen. 📚Read more

    See translation
  • Baltic Sea Circle
    3
    Roadbook-Studium61Challenge erledigt.

    Start u Stage No. 1

    May 30, 2025 in Sweden ⋅ 🌬 15 °C

    Öppe am sibni startet üse Tag. Mir mache üs parat, ruume üsi Sache zäme, u wei fürefahre zum Startparkplatz. Ungerwägs macht üs zTeam #50 drufufmerksam, das mir hinger links nüme so viu Luft im Pnö hi. Vore ufem Parkplatz hautemr a u merke dasmer e Nagu im Pneu hei. Scho e chliini Panne bevor zRenne überhoupt aafaht - super. De bocke mir dr Volvo uf und stopfe sone Pnöwurm i das Loch vo däm Nagu. zTeam #85 hiuftnis miteme Komprässerli us. Itz isch aues widr dicht und repariert u mir chü zum Startparkplatz fahre. Kurz nachdäm, hole mir zRoadbook ab womer üs afe chli chö driläse, wasmer hüt no aues müesse mache. Pünktlech zwüsche 10:30 Uhr und 11:00 Uhr starte mir offziziell zum Baltic Sea Circle 2025! Gummi gä isch zMotto! Wüüu hüt dörfmer no dOutobahn bruuche. U so fahre mir zimlech direkt nach Puttgarden wo mir dFähre uf Rødby näme. Äne aacho näme mir Kurs uf Kopehage, dert no e Stei ga sammle fürne Challenge womer später müesse mache. Nach Kopehage gömer über dÖresundbrügg nach Schwede womer dr Kullen Lüchtturm gö ga bsueche. Witer geits zure Challenge womer es Metal us DE, e Stei us DK, Wasser vodr Baltic Sea mit Wind vom Ozean müesse um sones UFO Monument uf aune vierne trage. Nachdäm mir das hei erledigt gha machemer üs ufe Wäg richtig Göteborg. Bire Tanksteu öppe 1.5h vor Göteborg haute mir a, dusche u mache üs früsch. Nacheme feine Hotdog füüue mir no dTeamstatistik im Roadbook us, luege am Sunneungergang zue und gö de gli drufabe ga pfuuse.Read more

    See translation
  • Baltic Sea Circle
    2💪💪Suströmming Challenge. 100km im Outo transportiere2Suströmming am probiere22222

    Stage No. 2

    May 31, 2025 in Norway ⋅ ☁️ 13 °C

    Nachere ruhige Nacht simer am sächsi uf. Da mer bire Tanksteu met Shop hi übernachtet, hetsechs grad ergäh dasmr Kafi u Zimt- u Vanilleschnägge hi zmorgnet.

    Secret Mission:
    Schatzsuechi ime Waud meter töife Feusspaute. D Infos si ersch am Morge via Whatsapp cho. (Bilder vom Schatz u ungefähri Position)

    Task of the Day:
    Schwedischi Delikatesse "Surströmming" mit offener Dose 100km im Rallyouto metführe. Het schono starch groche.🤣 Nach 100km himer du glich däicht mer probieri dä Fisch no us... Gar ned so schlächt.😂

    Road Mission:
    Mach es Foto vom Team meter Chiuche in Hamburgsund

    Detour Mission:
    Bsuech vomne Schrottplatz wo 1950 bis 1970 in Betrieb esch gsi. Ydrücklech wi dNatur dFahrzüg zrugghout.

    Am Abe simer gmüetlech ga ychoufe, hei grillet u de zitig ga lige    Read more

    See translation
  • Baltic Sea Circle
    2Foto vom Tag 💪🥳4Fotobewies für üsi MissionFotobewies für RoadmissionPfuusiplätzli 😴

    Stage No. 3

    June 1, 2025 in Norway ⋅ ☁️ 11 °C

    Dä Morge simer zitig uf wüu mr no chli Programm hi. Zäut achekurble, Uuge usribe, Zähn putze u furt. Hurti bire Raststätte Hygiene-, Zmorge-, Tank- u Kontrollhaut gmacht u witer

    Task of the Day:
    Byfahrertusch ungere zwöi Rallyouto überne gwüssni Strecki

    Detour Mission:
    Mach es Föteli vom Rallyouto meteme freiläbende Moschusochs. Ja so nach ar Strass si die niene gsi. Aber mer hi gfunge. Nach öppe 30min Bärguflouf. Schöni, majestäteschi, ydrücklechi Tier.

    Road Mission:
    Bsuech d Trollwand (Trollveggen) u tuese metem Rallyouto fötele

    In Åndalsnes heimer duschet und zNacht ire feine Pizzeria gässe. Witer isches gange richtig Molde, doch zersch no übernes Fährstückli. Widr ufem Land aacho, heimer du in Vikan es Schlafplätzli am Strand gfunge.    Read more

    See translation
  • Baltic Sea Circle
    4
    4Fotomission. Mach es Foto bim Rasemäie2

    Stage No. 4

    June 2, 2025 in Norway ⋅ 🌬 9 °C

    Am sibni simer parat gsi zum abfahre. Mit Sunneschin u blauem Himmu geits Richtig Norde.

    Road Mission
    Mach es Föteli vom Highlight vor Atlantic Road (Antlanterhavsveien)

    Bim Biltema in Kristiansund machemer e Haut und schnöige chli dür da kuul Lade düre. Witer geit dReis richtig dTrondheim. Ungerwägs bemerke mir, das zBatterielämpli lüchtet. D Diagnose ergit das dr Alternator si Job nüme guet macht. Am Regler si dChohlebürste verschlisse. Ke Problem mer boue dr Regler bim Biltema ufem Parkplatz us u göh mitem Muster i Lade. Aber dä Biltema het nüt passends. Eigetlech erstuhnts nis, wöu schüsch fingsch aues dert inne. De beschliessemr dä Alternator z notrepariere. Gesagt, getan. U zLämpli brönnt nüme.....
    DFahrt geit witer. Immer witer nordwärts. No schnäu e Hotdog im Circle ude esch Znacht oscho düre. ZPlätzli esch o gfunge wosechs tiptop laht lah lige. Pfuset guet.    Read more

    See translation
  • Baltic Sea Circle
    7482

    Stage No. 5

    June 3, 2025 in Norway ⋅ ☀️ 10 °C

    Geng wie geng, geits am sibni los Richtig Norde. Hüt steit ned so viu a. Houptsach fahre. Ungerwägs träffe mir no Rentier und Euche.😀

    Road Mission:
    Überquer dr Arctic Circle obe Mo i Rana u mach es Foto. Plus dr obligatorisch Bsuech im Center.😉

    Detour Mission:
    Bsuech dr Langsanden Beach in Sandhornøy. Tiptope Sandstrand in Norwege met Sicht ufd Schneebärge.

    Ufeme Grienplatz finge mr es Übernachtigsörtli. Hurti öppis ässe u etz Bett.    Read more

    See translation
  • Baltic Sea Circle
    4232

    Stage No. 6

    June 4, 2025 in Norway ⋅ ☁️ 11 °C

    Hüt morge isches früeh losgange. Churz vorde 5i simer bereits ufdr Strass gstange. zZiel isch dFähre in Bodø für uf dLofote gsi. In Moskenes aacho simer de uf Å i Lofote gfahre. Hüt simer chli uf Pannentur mitm Team 85. Nachdäm mer säuber a eine vo üsne Volvo dKeilrieme gspannet hi, fahts a. Auso häufemer am Team 99 miteme fasch platte Reife daser widr cha witerfahre, stosse in Nusfjord ire steile Parkplatzzuefahrt ds Team 18 weder ufe Wäg oder häufe am Team 80 mitm Traktor dr Chare ufzbocke wo ds Luftfahrwärch hinge links undicht esch

    Road Mission
    zÄndi vom E10 Highway, zDorf Å i Lofoten erreiche.

    Nachdr Roadmission simer no uf Nusfjord adr Küste. Es auts originels Fischerdörfli. Nähr simer zum Rally Camp gfahre. Hüt träffesech nähmlech aui widr ufem Lofote Beach Camping. Dert tüemer zäme ässe und paar Spili spile. Scho gli ziemer üs de zrügg und gö ga lige.    Read more

    See translation
  • Baltic Sea Circle
    22

    Stage No. 7

    June 5, 2025 in Norway ⋅ ☁️ 10 °C

    Hüt simer öppe am sächsi ab. Hi zmorge imne Circel gnoh u de weder ufd Strass.

    Road Mission:
    Mach es Teamföteli am nördlechschte Punkt vo de Lofote in Hanøy.

    Mer bsueche no dr Fussballplatz in Henningsvaer u stuune wi dr Platz uf dr Insu eifach grad usgnützt esch.

    Mer fahre witer noch Tromsø ids Hard Rock Cafe u ässe dert zNacht. Schnöigge no chli dürne Souvenirlade düre. U gö witer Richtig Skjervøy. Churz vorem Örtli esch wäge Bouarbeite e Brügg gsperrt. Kes Problem mer hi ja üses Zäut ud Wohnig drbi. So übernachte mer zfride vor dr Brügg.    Read more

    See translation
  • Baltic Sea Circle
    6
    2222322

    Stage No. 8

    June 6, 2025 in Norway ⋅ ☀️ 8 °C

    Ganz nachem Motto "der frühe Vogel fängt den Wurm" simer oh hüt widr am sächsi losgfahre. Nacheme zMorgestopp imne Circel geits de witer Richtig Hammerfest.

    Road Mission
    Es Foto mitem Schild ufem Pass Kvænangsfjellet

    Detour Mission
    Es Foto vom Struve Geodetic Arc Monument in Hammerfescht

    Task of the Day
    Es Foto miter Nordkappchugle und em Team

    Gäge die Sibne chöme mir de am Nordkapp aa. Gö i Souvenirshop u ässe gmüetlech zNacht.

    Wede no meh Föteli wosch gseh, lue doch mau bi Instagram ufem Kanau "kamerageschichten" vrbi.    Read more

    See translation
  • Baltic Sea Circle
    3
    622

    Stage No. 9

    June 7, 2025 in Finland ⋅ ☁️ 17 °C

    Gäge die haube achte simer ufgstande und si is Nordkapprestaurant ga brunche. Gstercht, heimer no churz paar Föteli gmacht und hei üs ufgmacht nach Finnland.

    Task of the Day
    Das Höuzli womer bim Start hi übercho darfme hinech met angerne Teams verbrönne u zäme es Füür mache. DZitig zum afüüre mues vom hütige Tag sig.

    Hie u da heimer aaghaute fürne Sami-Lade zbsueche und nachem problemlose Gränzübertritt nach Finnland heimer de fürnes Schlafplätzli afa luege. Dert aacho hets Teigware mit Bolognesesauce gä und mir hei dr Task of the Day erledigt. zWätter hetsech verschlechteret u deswäge simer bizite ga lige.    Read more

    See translation
  • Baltic Sea Circle
    13

    Stage No. 10

    June 8, 2025 in Finland ⋅ ⛅ 14 °C

    Hüt morge öppe am sächsi simer losgfahre. Ufem Wäg nach Hailuoto simer am Wiehnachtsmadorf vrbigfahre womer no e Haut hei iigleit. Zugliich überquere mir ou widr dr Polarkreis Richtig Süde.

    Road Mission
    Es Foto mitm Stei ufdr Magnetic Hill Road.

    Detour Mission
    Ufdr Insle Hailuoto vom Naturmuseum es Foto mache.

    Nachem Bsuech ufdr Insu Hailuoto mache mir üs widr ufe Wäg ufs Feschtland. Mir fahre nochli witer, ässe zNacht und sueche de es Plätzli für dNacht womer ou scho gli finge.    Read more

    See translation
  • Baltic Sea Circle

    Stage No. 11

    June 9, 2025 in Finland ⋅ 🌧 14 °C

    Geng wie geng isches am sächsi losgange. Nacheme feine zMorge undere Ladig Moscht isches losgange Richtig Helsinki

    Road Mission
    Fahr am lengschte See (öppe 120km) in Finnland nache. Dä geit vo Jyväskyla im Norde bis uf Asikkala im Süde. U mach am Schluss bime Lüchttürmli es Föteli.

    Task of the Day
    Mach das dStatue vo Tommi Toija in Helsinki ned aues verpisset. Sig e Guete u fang e chli uf.🤪

    Nach dr Tagesufgab simer no chli ir Stadt umeglüffe u hi no Pizza zNacht gno. Aschliessend fahremr uf dViking-Fähre u löhnis lah uf Estland schippere. zEstland aacho finge mir es Schlafplätzli näbere Circle Tanksteu.    Read more

    See translation
  • Baltic Sea Circle
    2
    241Team G-1000 🤣

    Stage No. 12

    June 10, 2025 in Estonia ⋅ ⛅ 15 °C

    Nachere entspannte Nacht, mache mir üs uf fürne chline gmüetlechere Tag. Z Tallinn gömer no gäbig ga lädele, bevormr met de Missione starte

    Task of the Day
    Suech u fing d Baltic States Chill Out Location in Estonia

    Detour Mission
    Bsuech d U-Boot Basis in Hara Allveelavade Sadam.
    Mach es Föteli bim Dänkmau vo de Soudate wo im 2. Wäutchrieg uf See zLäbe verlore hei.

    Am Abe träffe sech aui Teams zum zäme ässe u ne schöne Abe zgniesse.    Read more

    See translation
  • Baltic Sea Circle
    2

    Stage No. 13

    June 11, 2025 in Latvia ⋅ 🌧 15 °C

    Nachere ruhige, verrägnete Nacht, isches am sächsi losgange. Mir näme Kurs uf Lettland doch zersch mache mir e Stop bimne Circle und näh zMorge.

    Road Mission
    zAute Murru-Gfängiss in Rummu bsueche und es Föteli vor Ruine mache.

    Detour Mission
    D Schwertbrüderordensburg Segewold bsueche unes Selfie mache.

    Nachde Mission fahre mir witer und überquere dGränze zu Littauen. Dert finge mir e super Camping womee für 10€/Person übernachte.    Read more

    See translation
  • Baltic Sea Circle
    1242

    Stage No. 14

    June 12, 2025 in Lithuania ⋅ ☁️ 14 °C

    Nachdäm mir ufkraxslet si heimer üs parat gmacht. Und scho isches losgange zur Tagesufgab.

    Task of the Day
    Bou es Chrüz und steu das ufem Kreuzhügel im Šiaulia uf. Wes ufgsteut isch chamesech öppis wünsche und Dankbarkeit usdrücke

    Nachdr erledigte Tagesufgab isches zerschmau ine Circle gange. Dert heimer zmörgelet u si när witer Richtig Kaunas. In Kaunas aacho heimer dStedtli aagluegt und üs fürne feine Hesburger entschide. Gstercht isches zur nächste Mission witergange.

    Action Station
    Mach mite anderne BSC Teilnähmer in Marijampolė es grosses Peace Zeiche mite Outos.

    Road Mission Stage 15
    Wüus so gäbig ufem Wäg esch gläge umer no Zit hi gha himer die Road Mission ono gmacht. 😀 gstartet hets in Pozezdrze wos zu grosse Teile auess so dr Böimtunnle ech gange. Quasi wie zugwachsnegi Allees.

    Später am Aabe sueche mir es Plätzli zum choche u ässe, womer de ou scho gli imne Waudstückli finge.    Read more

    See translation
  • Baltic Sea Circle
    22

    Stage No. 15

    June 13, 2025 in Poland ⋅ ☀️ 15 °C

    Hüt startet üse letscht ganz Tag vor BSC Rally. Mir vö nüt nöis a u gö zersch mau i Circle ga zmorgne. Gstercht u munter geits witer zur Marienburg. Das isch sehr e schöni Burg wo nachem WW2 widr isch ufboue worde. Witer geits de uf Gdańsk womer dr lengscht Holzsteg vo Europa aaluege und ou gad feini Fish&Chips am Strand gniesse.

    Detour Mission
    Polish Sahara Wydma Łącka finge und fotografiere.

    E chline Fueschmarsch hets brucht, ismer die Dühne hei erreicht gha und somit dDetour Mission hei chönne abschliesse.

    Nachem Znacht im KFC finge mir es Schlafplätzli direkt ungerere Windturbine 🙂🥳    Read more

    See translation
  • Baltic Sea Circle
    22

    Stage No. 16, Ziel u Abschluss

    June 14, 2025 in Germany ⋅ ⛅ 30 °C

    Dr letscht Tag startet ruhig, mitem agnähme Grüsch vore loufende Windturbine. Zäut achekurble, hurti Drohne flüge u när ab uf Hamburg.

    Task of the Day
    Tue Ziellinie in Hamburg erreiche

    Naches paar Kaffi undeme feine zMittag erreiche mir gäge die haubi vieri dr Fischmarkt in Hamburg und somit nach rund 8500km, 9 Länder und e huufe Iidrück dZiellinie. Im Ziel aacho, rächne mir no üsi Pünkt zäme, gö dMedaille unes Zertifikat ga hole und ässe e HotDog. Am 5i isch de dSigerehrig gsi vode 1te 3 Plätz. Nach däm Teil, mache mir üs ufe Heiwäg, fahre chli bis nadr Gränze und übernachte no es letzts mau. Am Morge geits de wie gewohnt uf und mir näme dr letscht Bitz heizue. Dahei aacho, tüemer de usruume u dr Volvo widr parat für so Alltag mache. Schön sit dir mit üs mitgreiset und mir fröie üs wemer de scho gli widr ungerwägs si.🙂Read more

    See translation
  • Baltic Sea Circle

    Spendenprojekt

    June 15, 2025 in Switzerland ⋅ 🌧 3 °C

    Wie bereits im erschte Footprint erwähnt simer vo diverse Sponsore für üses Spändeprojekt ungerstützt worde.

    Sponsore:

    - Das Atelier Friseur, Frutigen
    - Badertscher Reisen und Transporte AG, Bern
    - ROHRER-MARTI, Zollikofen
    - SCHILT Technik & Service, Gümmenen
    - Schilt Technischer Service, Liebefeld
    - Olivier & Sandra Baeriswyl, Solothurn
    - Sarah Wiederkehr, Gümmenen

    Totau gsammlets Spändegäud: 1300CHF

    Mersi viumau für öii Unterstützig u danke fürds Inträsse a üsem Projekt

    Dr Betrag spände mir ader Schweizer Berghilfe.    Read more

    See translation
    Trip end
    June 15, 2025
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice