Taganga/ Tayrona Nationalpark

Im Hostel in Taganga simer di einzige Gest. Es isch zwar sehr es schöns Hostel mit Pool, Pingpong und Dachterasse aber es würkt chli verlasse.

Obwous düre Tag immer sehr heiss isch wärdemer mit dem Dörfli nid so warm.
Es het am Touristeboom vor paar Jahr nid möge stand ha und isch iz bizli schäbig. Trotzdem findemer e feini Pizza bimne usgwanderete Italiener. 😋🍕

Vo hie machemer e Tagesusflug i Tayrona Nationalpark. Dr Weg füehrt dür di abwechsligsrichi Landschaft mit Dschungel, Wüesti, Paumewaud und Felse zum Houptstrand. Dr Playa del Cabo erinneret üs mit sine runde Felse chli a Boulders Beach in Südafrika ganz am afang vo üsere Reis. 🤗
Trotz dere wunderschöne Natur chöimers nid ganz so fest gniesse wüus einersits ganz viu anderi Lüt het, ds Zytfenster zum häre und zrügloufe eher knapp isch und dLorena mit ihrne kaputte Zäienegu nid richtig cha ga bade.Read more