Baños

Baños isch umgä vo höche Bärge/Vulkän, uf aune Site vom Dorf geits steil deruf. Bekannt isch de Ort vorauem für Thermalquelle und Aktion-/Outdoorsport. Dür das ischs sehr touristisch und a jedem Egge wärde eim allerlei Toure und Aktivitäte ahbotte.
Üse erst Usflüg füehrt zum Casa de Arbol (Baumhaus) und isch no nid so aktionrich.😅 Nebst ere schöne ussicht ufs Tau (dr Vulkan ligt leider i de Wouche) gits es chlises Boumhüsli mitemne grosse Rittigampfi.
Füre zwöit Usflug mietemer Velos und fahre talabwerts bis zum Wasserfall El Pailon del Diablo.
Am letschde Tag geit dJana und dr Tim no ga Riverrafte, wo, dür das dases Level 4 isch, scho recht aktionglade isch.
😁
D Abeprogramm si entspannter. Mir gö einisch ines Thermalbad womer üs di heisse Quelle und Pools mit ganz viu Iheimische teile.
Es andersmau gits im Swiss Bistro Fondue, Rösti und Älplermaggaroni. 🧀🫕🇨🇭Read more