Ha Long Bay

Mir mache en 2 Tagestour dur die berüehmti Ha Long Bay mit ihrne Kalksteininsle. Anstatt vo Hanoi startemr allerdings vo Cat Ba us, e Insle ned wiit vum Festland entfernt. Nach ere Übernachtig ufdr Insle, werdemr am morge vo eusem Tourguide abgholt. Mir si e Gruppe vo 12 Lüüt, alles Europäer😊

Am 1 Tag geits aus ersts mau is Wasser, das isch früschi 18°C, denn geits nachemne feine Zmittag ufs Kajak und am Abe nachem Znacht probieremer üs (leider erfougslos) im Squidfische.😅
Nachere gmüetliche Nacht ufm Schiff machemr namal e Kajaktour ufdr Suechi nach Tier. Mir hei Glück und gseh es paar Affe mit Junge🤗 Nachme churze Schwumm, fahremr ufm Rückweg na amne Floating Village verbi bevor de Trip de bereits wedr zEnd geit.Read more