Tag 25 - Tauchkurs Open Water Tag 2/3

De zweiti Tag vo eusere Tauchusbildig! 🥳
Nachdem mer geschter beidi bim Theorie ahluege ihgschlafe sind, simmer hüt wieder meh oder weniger frisch und munter gsi! ☺️

Bi de Tauchschuel ahcho, hemmer als erschts grad wieder eusi Sache ready gmacht und sind is Salzwasser, wo mer namal ganz viel Üebige gmacht hend unter Wasser.

S Wetter isch hüt zwar chli besser gsi, aber Welle hets dütlich meh gha.

Bim zweite Tauchgang hemmer denn mehrmals müsse uf- und abtauche und hend meh Ziit ah de Wasseroberflächi verbracht. Leider sind mir beidi nöd wellefescht und so simmer schnell seechrank worde.. 🤢 mer hend denn beidi voll is Meer kotzt 😂🥴.

An Land hets denn aber schnell wieder besseret und mir sind froh gsi, dass mer für hüt fertig sind.
Trotzdem hemmer biz Respekt vo de Welle vo morn gha, wel morn gömmer vom Boot us go tauche (was eigentlich sehr cool isch), aber s Wetter für morn het leider ganz miies usgseh..

Nach dem Tag hemmer eus am Abig e mega feini Pizza gönnt und hend d Ziit namal mit lerne verbracht 🤓Læs mere